“Манчестер Сити» бош мураббийи Хосеп Гвардиола жамоа ярим ҳимоячиси Кевин де Брюйне билан шартномани узайтириш билан боғлиқ вазиятга изоҳ берди. Олдинроқ Sport.es сайти бельгиялик футболчи дастлабки таклифни молиявий шароит яхшиланишига умид қилиб рад этгани ҳақида хабар тарқатган эди.

«У қолади, деб ишонаман, лекин биз ҳам жараённи ҳурмат қилишимиз керак. У ерда нима бўлаётганини билмайман, мен спорт директори билан гаплашмаганман, лекин у Де Брюйнени қанчалик қадрлашимизни билади. Ва нафақат унинг ўйин сифати, балки инсонийлик жиҳатдан ҳам клуб учун қанчалик муҳимлиги ҳақида ортиқча гапириш шарт эмас. Шунга қарамай, мен бундан хавотирда эмасман”, - дея Гвардиоланинг сўзларини келтирмоқда Goal нашри.

Маълумот учун, Де Брюйненинг инглиз клуби билан амалдаги шартномаси 2023 йилнинг ёзигача мўлжалланган. У манкунианликлар сафида 2015 йилдан бери ўйнаб келмоқда ва бунгачафутболчи “Генк”, “Челси”, “Вердер” ва “Волфсбург" жамоаларида ўйнаган. Ушбу мавсумда 29 ёшли ярим ҳимоячи Англия Премер-лигасининг 14 ўйинида қатнашиб, 3 гол урди (2 пенальтидан) ва 8 голли узатмани амалга оширди.