Дортмунднинг «Боруссия» клуби яна мураббийсиз қолди ва ушбу вазифани вақтинчалик бажариш Эдин Терзич зиммасига юклатилди. Бу ном кўпчилик учун нотаниш. Хўш, у Ханс Фликнинг муваффақиятини такрорлай олармикан ёки яқин орада уни унутармикинмиз?
Футболни узоқ ўрганди
Терзич 1982 йили югославиялик муҳожирлар оиласида туғилди. У Дортмунддан 30 дақиқалик йўл ажратиб турувчи Менден шаҳарчасида улғайган. Болалигида Эдин ҳужумчи бўлган, аммо яримпрофессионал лигадан юқорига кўтарилиш унга насиб қилмади. Бироқ шу даврда вақтини беҳуда ўтказмади, клубда ишлаб топган пулларини Бохумдаги Рур университети спорт курсида таҳсил олиш учун сарфлади. Айнан шу курслар давомида рафиқаси Кора, шунингдек, Германиянинг 18 ёшлилар термаси мураббийи Ханнес Вольф билан танишди.
Орадан вақтлар ўтиб, улар биргаликда «Боруссия»да ишлашди. «УЕФАнинг «А» тоифасидаги лицензиясини олдим ва «Боруссия»нинг асосий скаути билан танишдим. Бир неча ойдан сўнг у мени клубда ишлашга таклиф қилди. 2010 йили футболчиликни йиғиштириб, бор эътиборимни мураббийликка қаратишни маъқул кўрдим».
У Клоппнинг шогирди
2010 йил «қовоғарилар»нинг барча мухлислари учун ёқимли дамларни туҳфа этди. «Ливерпул»нинг ҳозирги устози Юрген Клопп Дортмунд жамоасини ҳақиқий грандга айлантирди. Ўша вақтда Терзич скаутликдан ташқари Вольфнинг ёрдамчиси вазифасини ҳам бажарарди: барча ёшдаги жамоаларда ишларди. Шу тариқа мураббийликни ўрганди. Гетце, Хуммельс ва Левандовски кабиларнинг жаҳон даражасидаги юлдузларга айланишлари гувоҳига айланди. 2010-2012 йиллар оралиғида «Боруссия» чемпионликка эришди. 2013 йилда Чемпионлар Лигаси бош совринини қўлга киритишига «Бавария» тўсқинлик қилди.
Премьер-лигада ишлаган
Эдин Терзич энди-энди 16 ёшлилар жамоаси мураббийлигига тайинланганда, унга манфаатли таклиф тушди. Шунчалик яхши таклиф эдики, унга рад жавобини беролмасди. Ва яна ҳаммасини мавжуд вазият ҳал қилди. Онаси Хорватиядан бўлгани сабабли, Терзич ушбу мамлакатдаги скаутлик хизматини ажойиб тарзда уддалади. Айнан тарихий юртида бир агент билан танишди, у эса Эдинга Славен Билич билан учрашишни маслаҳат берди. Бу пайтда Билич Хорватия термасини бошқараётганди. «Бу ҳақда унутгандим. Евро-2012 бошланишига уч кун қолганда, Швецияда эдим. Телефоним жиринглади, жавоб бермадим. Яна жиринглади. Кейин СМС келди: «Илтимос, қайта қўнғироқ қил. Славен Билич».
«Карлсруэ», «Эвертон» ва «Вест Хэм»нинг собиқ ҳимоячиси Билич 2013 йили «Бешиктош» бош мураббийи бўлганда, Терзични ёнига чорлади. Орадан икки йил ўтиб, улар «Вест Хэм»да бирга ишлашди. Бу даврда жамоа АПЛда 7 ва 11-ўринларни эгаллади. «Ёшим ва тажрибамни инобатга олганда, бу жуда яхши таклиф эди, - дейди Терзич. - Туркия ва Англияда оширилган малака менга қўл келди».
«Боруссия» бошқарувида
Фавр 2018 йили «Боруссия»да иш бошлагач, Терзични ёнига чорлади. Унинг ёрдамида Бундеслига чемпионлигини қўлга киритиши ҳам мумкин эди – атиги 2 очко етмади. 2019 йили ёрдамчи мансабда кўтарилишга эришди: Фаврнинг тоби қочиб қолди, «Хоффенхайм»га қарши баҳс эса яқинлашарди. Бу унутилмас учрашув бўлди: дастлаб янги мураббий қўл остида майдонга тушган жамоа 3та гол урди, кейин сўнгги 15 дақиқа ичида дарвозасидан шунча тўп ўтказиб юборди.
Туғма «қовоғари»
«Штутгарт»га 1:5 ҳисобида имконият бой берилгач, Фавр истеъфога чиқарилди, аммо янги мураббий излашга вақт йўқ эди. Натижада ёзгача «қовоғарилар»ни бошқариш вазифаси Терзичга ишониб топширилди. Айнан шу вазиятни у бутун умр кутганди. «Бу ерга яқин ҳудудда туғилганимни ҳамма билади. Стадионга илк бор келганимда 9 ёш эдим. «Боруссия» - менинг юрагимда. Шунга қарамай, бундай имкониятга эга бўлишни орзу ҳам қилмагандим».
Ҳ.АТАВУЛЛАЕВ тайёрлади
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20