Италия чемпионатининг 17-турида янги мураббий қўл остида ўз ўйинини топиб бораётган «Женоа» ўз майдонида «Болонья»ни қабул қилиб, Зайц ва Дестронинг голлари эвазига ишончли ғалабани қўлга киритди. Биз учун эътиборлиси, мезбонлар сафида Ўзбекистон миллий терма жамоаси ҳужумчиси Элдор Шомуродов асосий таркибда майдонга тушди ва 80 дақиқа давомида ҳаракат қилди ҳамда жамоасининг биринчи голида иштирок этди.

Мазкур ғалабадан кейин «Женоа» очколарини 14тага етказиб, турнир жадвалида 17-ўринга кўтарилди ва «хавфли ҳудуд»ни тарк этди. 17 очкоси бор «Болонья» эса 12-ўринда қолди.

А Серия, 17-тур
Женоа — Болонья 2:0
9 январь, «Луиджи Феррарис»
Голлар: Зайц (44), Дестро (55).
“Женоа”– Перин, Кришито (Гильоне, 46), Масьелло, Бани, Дзаппакоста, Бадель, Радованович, Зайц, Беҳрами (Эбонг, 46; Лерагер, 74), Шомуродов (Пьяца, 81), Дестро (Мелегони, 86). 
“Болонья”– Анжело, Томиясу, Пас (Поли, 81), Ларангейра, Хики (Дейкс, 60), Схаутен (Барроу, 60), Домингес, Орсолини (Ольсен, 74), Сориано, Виньято, Паласио (Рабби, 82).
Огоҳлантиришлар: Радованович (66), Гильоне (87).