Муборакнинг “Машъал” клуби тарбияланувчиси Шерзод Темиров амалдаги чемпион “Пахтакор” клуби сафига кўчиб ўтганидан хабарингиз бўлса керак. Футболчи куни кеча ўз таассуротлари билан ўртоқлашиши баробарида собиқ жамоаси мураббийларига ва унга алоқадор барча инсонларга ташаккур изҳор қилди.

“Аввалом бор мени яқиндан қўллаб-қувватлаган мураббийларга клуб ишчи ҳодимларига ва  қадирдон бўлган муҳлисларга  ўз миннатдорчилигимни билдирмоқчиман. Мени “Машъал” жамоаси таклиф қилган Илҳом Қурбоновога каттадан катта раҳматлар айтаман. «Машъал» нафақат менга, балки бутун ўзбек футболига жуда катта ҳисса қўшмоқда.

 Очиғи “Пахтакор”дек жамоадан таклиф тушганидан ҳайрон қолдим. Бу  жамоада Ўзбекистоннинг энг кучли футболчилари тўп суради ва улар фақат чемпион бўлиш учун ҳаракат қилишади. “Пахтакор” жамоасида футбол ўйнаш эса ҳар бир футболчининг орзуси деб ўйлайман. Мен “Пахтакор” жамоасига қўлимдан келгунча ёрдам бериб жамоанинг етакчи футболчиларидан бўлишга ҳаракат қиламан. Аслида эса мени бу даражага етишимга “Машъал” футбол клуби алоҳида ўрин тутади. «Машъал» абадий юрагимда қолади ва мен жамоадан умирбод қарздорман”, - деди футболчи.