«Андижон» жамоамиз таркибни бутунлай бошидан шакллантиргани боис йиғинга 100лаб футболчилар жалб қилинди. Бир неча назорат учрашувлари давомида футболчилар саралаб олинди ва сараланишда давом этмоқда.

Ҳозирда машғулотларни давом эттираётган футболчилар билан танишинг:

Ўтган мавсумда «Бунёдкор» жамоасида ҳаракат қилган дарвозабон Жасур Умирзоқов ҳозирда “Андижон” машғулотларида қатнашмоқда. Яна бир дарвозабон, «Андижон» жамоаси шарафини ҳимоя қилган Жавохир Қиличев ҳам йиғинида иштирок этмоқда. Шунингдек «Металлург» жамоасидан Иброҳим Турғунбоев ва Хазрат Турсунқулов, ўтган мавсумда «Бунёдкор» жамоасида тўп сурган Камрон Нажафалиев, «Локомотив» жамоаси ҳужумкор ярим ҳимоячиси Камрон Саидазимов, «Динамо» жамоасидан Миркомил Локаев, «Оқ Тепа» жамоасидан Суннат Мамадалиев ва ўтган мавсумдаҳам андижонликлар шарафини ҳимоя қилган Усмонали Исмоналиев, Фарход Сохибжонов, Дониёр Абдуманнопов, Бахтиёр Қосимов, Муҳаммадкарим Тоиров, Жамшид Ҳомидов ва бир қатор ёш футболчилар машғулотларда иштирок етишмоқда.