Шу пайтга қадар клублар зарур ҳужжатлар тўпламини тайёрлагач ЎзПФЛга олиб келиб тақдим қилар эди. Эндиликда янги мавсум учун рўйхатдан ўтказиш жараёни ЎзПФЛнинг махсус электрон тизими – MyLeague онлайн платформаси орқали бажарилади.
Мазкур тизим янги мавсумдан эътиборан тест кўринишида татбиқ этилмоқда. Электрон тизимнинг афзаллик жиҳати шундан иборатки, клуб бунда рўйхатдан ўтиш учун тайёрлайдиган ҳужжатларини ҳар гал ЎзПФЛга олиб келиши талаб этилмайди. Клубнинг таъсис ҳужжатлари, стадион ва футбол мактабига оид ҳужжатлар, тиббий кўрик ва суғурта маълумотлари, асосий таркиб, U-21 ва U-18 жамоалари футболчилари билан тузилган шартномаларни бундан буён MyLeague онлайн платформасига юклаш мумкин бўлади. Қолаверса, мазкур тизим футболчиларнинг трансфер ва ижарага ўтиши жараёнини, унинг шартнома муддатларини тўлиқ мониторинг қилиб бориш, шунингдек, футболчилар ва мураббийларнинг электрон маълумотлар базасини шакллантириб бориш имконини тақдим этади.
Платформада ҳар бир клубнинг алоҳида саҳифаси мавжуд бўлади. Aйни пайтда ЎзПФЛда клублар вакиллари учун тренинг ташкил этилиб, онлайн платформадан фойдаланиш бўйича зарур тавсия ва кўрсатмалар бериб борилмоқда. Ҳозирга қадар “Бунёдкор”, “Пахтакор”, AГМК ва “Қўқон-1912” клублари вакиллари MyLeague платформаси билан танишди. Жорий ҳафта давомида Суперлиганинг қолган иштирокчи клублари учун ҳам тренинглар ташкил этилади.
Манба: pfl.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20