Аввалги мавсум Озарбайжонда «Кешля» шарафини ҳимоя қилган ҳамюртимиз Шоҳруҳ Гадоев яқинда клуб билан хайрлашди. Azerisport.com портали мухбири эса, футболчи билан алоқага чиқиб, унинг нега кетганига қизиқди.

— Шоҳруҳ, айни пайт нима билан машғулсиз? «Кешля»дан кетганингиз сабабига ҳам тўхталсангиз...

— Ўзбекистонга қайтдим, лекин ҳозирча янги клуб топмадим. «Кешля»дан нега кетдим? Жароҳатлангач, маълум муддат четга чиқдим, бироқ сафга қайтганимдан кейин ҳам мураббий умуман имконият бермади. Ахир бирор футболчи жароҳатдан тўлиқ ҳимояланмаган. Қисқаси, мураббийнинг мен билан ишлаш нияти йўқлигини тушундим.

— Жамоадан кетганингизнинг ягона сабаби шуми?

— Тўғри, маош тўлови бўйича ҳам кечикиш бўлди. Баъзан 2 ой кутишимизга тўғри келди. Лекин Ўзбекистонга қайтгач, қолган маошни тўлиқ олдим.

— Демак, клуб сиздан қарздор бўлиб қолмади...

— Шундай, шартномада кўрсатилган сумма тўлиқ берилди. Фақат кечикиш билан. Қолган йигитларнинг маош олишган-олишмаганидан хабарим йўқ.

— Озарбайжон Премьер-лигаси савияси ҳақида нима дея оласиз?

— Яхши лига, савияли легионерлар кўп. Лекин баъзи клубларга профессионаллик етишмайди. Дейлик, маош вақтида тўланмайди. Шунингдек, бошқа майда камчиликлар ҳам бор.

— Озарбайжоннинг бошқа жамоаларидан таклифлар тушдими?...

Давоми бор. Ушбу мақолани тўлиқ ҳолда "ИнтерФУТБОЛ" нашрининг 14 январь кунги пайшанба сонида ўқишингиз мумкин.