«Арсенал» нинг собиқ бош мураббийи Арсен Венгер ярим ҳимоячи Месут Ўзил «канонирлар» лагеридан кетгани ҳақида фикр билдирди.

«Ўзил - қулай муҳитга муҳтож одам. Ишончим комилки, бу борада Туркия унга жудаям мос келади. У ҳужумчиларга учрашувларда ғалаба қозониш учун имконият яратиши мумкин. Агар «Фенербахче» бундан унумли фойдаланишни ўрганса, унда чемпионатда доимий ғалабаларга эришиш имконияти катта бўлади.

Месута ҳақида гапирганда, оркестрни тасаввур қилиш мумкин. У ўз вақтида тўп билан ўйнайдиган иқтидор эгаси. У вақтни ўтказиш ва ижодкорлик жиҳатидан жуда ажойиб. У ўйинда қандай вазиятга дуч келмасин, тўғри қарорни танлайди. Ёрқин маҳорат.

Агар индивидуал машғулотлардан сўнг Ўзилнинг жисмоний тайёргарлиги маъромида бўлмаса, яхши формага келиш учун Ўзилга 3-4 та ўйин керак бўлади. У тезда рақибнинг эркин зоналарини кўради, тезда тўғри қарор қабул қилади ва бир зумда майдондаги вазиятни баҳолайди. Бу хислат футболда камдан кам кузатилади.

Ўзилнинг тезкор трансфери январь ойидаги энг  шов-шувли ўтиш бўлади, чунки ҳозирда футбол олами тинч», - дея Венгернинг сўзларини келтиради ESPN.

Маълумот учун, Месут Ўзил АПЛнинг 2020/2021 йилги мавсуми учун «Арсенал» таркибига киритилмаган. Сўнгги ҳафталарда немис футболчиси асосий таркибдан айро холда машғулот ўтказди. 17 январь куни «Канонирлар» ва Ўзил томонларнинг ўзаро келишуви асосида шартномани бекор қилишди.