“Яқинда хизмат сафари билан Нукусда бўлдик. Икки ҳолат эътиборимни тортди”, – дейди ЎзПФЛ бош директори Диёр Имомхўжаев.
-Биринчиси меҳмонхонада юз берди. Ресепшнда ёш йигит бизга хоналаримиз калитларини берди, паспортларимиздан нусха олди. Иккинчи қаватга кўтарилаётганимизда Арал самали бош мураббийи Темур Турдиев йигитни таништирди: етакчи футболчиларимиздан бири, бугун асосийда майдонга тушади...
Кейинроқ машинада стадион томон кетаётганимизда, бўм-бўш кўчада узоқдан велосипед учиб келаётган йигит кўринди. Мураббий бу йигитни ҳам таништирди: клуб сардори, ҳалироқ ишларини тугатиб, ўйин учун етиб келади...
Нукусда футбол бор эди. Мана шундай йигитлар ва футболни севувчи икки-уч киши Арал самали номи билан Биринчи лигада иштирок этиб келишди. Улар мавсум давомида маош олишмаган, фақатгина хизмат сафарлари учун пул топиб беришган. Машинада Нукусдан водийга боришга тўғри келса, тасаввур қилаверасиз. Аммо юқоридаги йигитлар йиллар давомида нолимай, тўп тепишди. Мана шундай футболчилар учун ҳам Аралга футболни қайтарса арзийди.
Кейинроқ Қорақалпоғистон Вазирлар Кенгаши раиси Қаҳрамон ака Сариев билан боғландик. Бу киши бизга футболчилар ҳақи албатта тўлаб берилишини айтди. Агар режалар биз ўйлагандек йўналишда кетса, 2021 йил Қорақалпоғистон футболида яхши ўзгаришлар бўлиши керак.
Манба: @diyorimamkhodjaev
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20