Қайднома

Қидирув

Миллий термамиз «Шахтёр» Солигорскка йирик ҳисобда мағлуб бўлди-я...

Миллий термамиз «Шахтёр» Солигорскка йирик ҳисобда мағлуб бўлди-я...

  17.02.2021 21:25
  0
  145
Миллий термамиз «Шахтёр» Солигорскка йирик ҳисобда мағлуб бўлди-я...

Бирлашган Араб Амирликларидаги ўқув-машғулот йиғини доирасидаги сўнгги ўртоқлик ўйинида Беларуснинг «Шахтёр» клубига қарши майдонга тушган Ўзбекистон миллий жамоаси йирик ҳисобда мағлуб этилди.

Вадим Абрамов шогирдлари 12-дақиқада ҳимоядаги пала-партишликлардан кейин ўз дарвозаларидан тўп ўтказиб юборишди – 0:1.

33-дақиқада эса Эргашев дарвозасига гол урган рақиб футболчиси Юрий Кендиш қўполлиги учун майдондан четлатилди. Шунга қарамай, сон жиҳатдан камчиликда қолган Солигорск клуби вакиллари ўйинда устунлик қилиб, 49-дақиқада фарқни иккитага оширишди. Дарвозабон Ботирали Эргашев қўпол хатога йўл қўйиб, тўпни рақиб футболчисига узатиб қўйди. Бундан фойдаланган Эззе Океухи деярли бўш дарвозани ишғол этди – 0:2.

Орадан беш дақиқа ўтар-ўтмас, беларуслар ҳисобдаги фарқни йирик кўринишга келтиришди. Жарима майдончасига узатилган тўпни ҳимоячиларимиздан баландроқ сакраган Шиндагоридзе Илёсов дарвозасига жойлаб қўйди – 0:3.

Ҳисоб йирик кўриниш олгач, вазиятлардан бирида футболчилар орани очиқ қилишга киришиб кетишди. Рақиб футболчиси Мурод Холмуҳаммедовнинг юзига тарсаки тортгач, жанжални Вадим Абрамов бошчилигидаги мураббийлар тинчитишига тўғри келди. 

Ўйин охиригача рақибдан бири киши кўп бўлиб ҳаракат қилган вакилларимиз вазиятни ўзгартира олмай, йиғин доирасидаги 3 ўйиндан 2тасида ҳам йирик ҳисобдаги мағлубиятни тан олишди.

Ўртоқлик ўйини. Дубай.
17 февраль (чоршанба)
Ўзбекистон - «Шахтёр» (Беларусь) – 0:3
Голлар: Юрий Кендиш 12, Эззе Океухи 49, Шиндагоридзе 55.
Ўзбекистон: Ботирали Эргашев, Ҳожиакбар Алижонов ( Мурод Холмуҳаммедов, 46), Игорь Голбан, Ислом Қобилов, Фаррух Сайфиев, Одил Ҳамробеков (Акмал Мозговой, 57), Нурулло Тўхтасинов, Санжар Қодирқулов (Азиз Турғунбоев, 57), Ҳусниддин Ғофуров (Ойбек Бозоров, 65), Ҳожимат Эркинов, Миржаҳон Мираҳмадов.
«Шахтёр»: 30.Гутор, 99.Шевченко, 21.Филипенко, 20.Сачивко, 5.Антич, 27.Сзоке, 77. Юрий Кендиш, 11.Диасамидзе, 33.Океухи, 22.Стасевич (Шиндагоридзе, 46), 88.Дарбо (Шаҳзод Убайдуллаев, 64).
Четлатиш: Юрий Кендиш, 33.


Манба: tribuna.uz


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

Оммабоп мақолалар

Хабарингиз борми

Чемпионатлар

тўлиқ жадвал »
  • Вадим Абрамов миллий терма жамоамизни ЖЧ-2022 олиб чиқишига ишонасизми?


«ИнтерФУТБОЛ» газетасининг расмий сайти.
Гувоҳнома № 0149. Берилган санаси: 25.06.2008 Муассис: «ИНТЕРФУТБОЛМЕДИА» МЧЖ.
Бош муҳаррир: Аҳадхон АБДУҲАМИТОВ.
Таҳририят манзили: 160400, Косонсой шаҳри,Чорбоғ кўчаси, 17-уй.
Электрон манзил: info@interfutbol.uz