Япониялик Кейсуке Хонда дунё кезишда бардавом. 34 ёшли ярим ҳимоячи яқиндагина эркин агент мақомида Португалиянинг «Портимоненше» клуби сафига қўшилди. Аммо орадан атиги 4 кун ўтиб, унинг жамоадан кетишига тўғри келди. Хонда ёзда Токио Олимпиадасида иштирок этиш ниятида ва энди ўзига яна янги жамоа қидиради, албатта. Championat.com сайтининг қуйидаги мақоласи охирги 3 йилда Мексика, Австралия ва Бразилияга бориб, жами 5 марта клуб алмаштирган Кейсуке саргузаштлари ҳақида.
ЦСКА кетгач нима қилди?
Хонда 2014 йилнинг қишида Москванинг ЦСКА клуби билан хайрлашиб, эркин агент мақомини олди ва «Милан» сафига қўшилди. Япониялик ярим ҳимоячи «Сан Сиро»даги 3,5 йил мобайнида 2та тўлиқ мавсум ўтказди, мунтазам «россонерлар» асосий таркибида кўриниш берди. Рақамларда айтсак, у барча турнирлар ҳисобидан жами 83та ўйинда майдонга тушиб, 10та гол ва 15та самарали узатмага муаллифлик қилди. Аммо мавсум-2016|2017 Кейсуке учун пасайиш нуқтасига айланди - атиги 9та ўйин. Ўша мавсум якунида унинг «россонерлар» билан шартномаси тугарди. Хуллас, «самурай»нинг «Милан» билан хайрлашиши вақтлироқ ойдинлашиб қолди. Якунда Хонда яна эркин агент бўлди ва 2017 йилнинг июлида кутилмаганда, Мексикага йўл олиб, «Пачука» билан шартнома тузди. Ўша пайт мазкур қадимий клуб мамлакат чемпионати турнир жадвалида 10-ўринни эгаллаб турганди. Хонданинг «Пачука»даги дебюти «Крус Асул»га қарши баҳсга тўғри келди ва япониялик ярим ҳимоячи захирадан майдонга тушгач, 19 дақиқадан кейин гол уришга эришди. Бироқ қаҳрамонимиз Мексикада узоқ ушланиб қолмади. Кейсуке мавсум-2017нинг иккинчи ярми ва кейингисининг биринчи қисмини ацтеклар юртида ўтказиб, жами 36та ўйинда 13та гол уришдан ташқари, яна 8тасига ассистентлик қилди. 2018 йилнинг ёзида футболчи яна клубсиз қолди.
Австралияга сафар, Камбоджа термасини масофадан бошқариш...
«Яшил қитъа» жаҳонгашта «самурай»нинг кейинги бекатига айланди - у «Мельбурн Виктори» билан 3 млн. евро миқдоридаги маошни ўз ичига олган 1 йиллик битим тузди. Айни ўша паллада Хонда Камбоджа миллий жамоаси бош мураббийи ва бош менежери лавозимларида ишлаш бўйича таклиф олди. Шартга мувофиқ, ярим ҳимоячи мураббийлик ишини бошлаш баробарида футболчилик фаолиятини ҳам давом эттириши мумкин эди. Қисқаси, шу шарт ёқдими, Хонда таклифга розилик бериб, камбоджаликлар билан 2 йиллик шартнома тузди. Осиёнинг камтарин жамоаси айнан Хондани танлагани бежиз эмасди. Зеро, япон футболчиси 2016 йили Камбоджада шахсий академиясини очган, кўп ўтмай, ушбу мамлакатда «Солтиро Ангкор» номли клуб ҳам тузганди. Кейсуке аввалига Камбоджа термасини масофадан туриб, яъни видеоалоқа орқали бошқарди, мураббийлар штаби билан тез-тез йиғилиш ўтказиб турди. «Мельбурн Виктори» вакиллари Хонда билан келишувни расмийлаштириш чоғи клуб мухлисларини алоҳида ишонтиргандилар: «Йўқ, японияликфутболчиКамбоджатермасидагиишитуфайлибирорўйинниўтказибюбормайди». Хонда ҳам терма жамоага фақат ФИФА кунлари эътибор қаратиш юзасидан келишиб олди. Амалда Кейсукенинг «Мельбурн»даги ўйинлари сони «Пачука»дагидан ҳам камроқ бўлди - 24та (8та гол ва 7та самарали узатма). Шу тариқа у 1 йиллик шартномаси якунлангач, Австралиядан кетди.
Бразилия томон назар...
Хонда 2019 йилнинг июлидан ноябригача клубсиз юрди, фақат эски қадрдони Леонид Слуцкий бошқарган Нидерландиянинг «Витесс» жамоаси машғулотларида қатнашиш асносида спорт формасини ушлаб туришга ҳаракат қилди. Ноябрда эса япон футболчиси Арнем клуби билан мавсум охиригача мўлжалланган шартномани расмийлаштирди. Бироқ орадан 1 ой ўтиб, Слуцкий истеъфога чиқарилди, унинг ортидан Кейсуке ҳам кетди. Қаҳрамонимиз бу орада «Витесс»нинг 4та ўйинида майдонга тушди, бироқ унга гол уриш ёки ассистентлик қилиш насиб этгани йўқ. Хуллас, Хонда янги йилни клуб излаш билан бошлади ва январь ойи охирида эркин агент сифатида Бразилиянинг «Ботафого»си билан келишувга эришди. Эътиборли томони, мухлислар уни ўзга сайёрадан учиб келган суперқаҳрамондек кутиб олишди. Клуб эса Хонда билан 1 йиллик шартнома тузиб, унга ҳаттоки, зирҳли автомобиль ажратди. Шартга кўра, ёзда исталган томон хоҳишига кўра, келишув бекор қилиниши мумкин эди. Лекин бундай ҳолат кузатилмади, катта эҳтимолки, бунда коронавирус пандемияси таъсири ҳам бор. Бразилияда янги мавсум июнда бошланди. Хонда 2020 йилнинг охиригача «Ботафого»нинг 27та ўйинида қатнашиб, 3та гол урди. Япониялик футболчининг ўзи шахсий кўрсаткичларидан қониқмади ва декабрда Бразилия клуби билан шартномани бекор қилиб, «Твиттер» орқали мухлисларга мурожаат йўллади: «Афсус, «Ботафого» биланэртароқ хайрлашяпман (Хонданингкелишуви 2021 йилнинг 28 февралигачамўлжалланганди). Ўйинимгадоир барчатанқидларингизнитўғриқабулқилдим. Айбловтўғри, эътирозўринли, ўзимниоқламоқчиэмасман. Шахсанменгаҳамиштирокимёқмади, узр...».
Бир неча кунга Европага қайтиш...
Январь ойи бошида Португалия ОАВда 34 ёшли ярим ҳимоячининг «Портимоненше» сафини тўлдиришга яқин эканлиги ҳақида хабар берилди. Бир ойдан кейин эса бу расман ўз тасдиғини топди. Маҳаллий Примеро аутсайдери ва Хонда ўртасидаги шартнома мавсум охиригача мўлжалланди. «Ростини айтсам, шубҳалангандим. Бунинг жуда қийин вазифа эканлигини билардим. Ҳаяжонландим, чунки вазият Бразилиянинг «Ботафого»сидаги ҳолатга ўхшаш эди, аммо охир-оқибат, мураккаб ишга киришишга тайёрлигимни тушуниб, «Портимоненше» таклифига розилик бердим», - деди Кейсуке матбуот анжуманида. Лекин Хонда бирор ўйинда майдонга тушмай туриб, 4 кундан сўнг клуб билан хайрлашди. Португалиянинг A Bola нашри тарқатган хабарда айтилишича, футболчи клуб президенти билан учрашганда, мутасадди уни «заявка»га киритишнинг имкони йўқлигини билдирган. Гап шундаки, Португалия футбол ассоциацияси Хондани эркин агент эканлигини тан олмади. «Ботафого» билан шартномани декабрда бекор қилган «самурай» «Портимоненше» таркибига бирор-бир тўсиқсиз қўшилишни ўйлаганди. Аммо Япония ОАВ маълумотига кўра, Португалия Примероси клуби билан битим қишки трансферлар ойнаси якунланганидан кейин тузилган, бу вақтда федерацияда фақат ишсиз ўйинчиларни рўйхатга киритиш имкони бор эди, холос. Энг қизиқ томони, Хонданинг шартномани муддатидан аввал бекор қилиши Португалия футбол федерацияси регламентига зид, шундай экан, Кейсуке ҳамон «Ботафого» футболчиси ҳисобланади. Шунга мувофиқ, япониялик ярим ҳимоячининг Португалия жамоасидаги ҳаёти атиги 4 кун давом этди. Энди Хонда яқин орада ўзига янги клуб топмоқчи, зеро, у ёзда «кунчиқар юрт»да ташкиллаштириладиган Олимпиадада қатнашмоқчи. Футболчи «Твиттер»даги саҳифасида ҳам янги иш қидираётгани, бироқ ҳозирча ватанига қайтмоқчи эмаслигини алоҳида таъкидлади: «J»-лигага қайтишдан астойдил воз кечаётганим йўқ, шунчаки, хорижда яхшироқ имкониятларга эгаман. Япония - қадрдон юртим, ота-онамнинг уйи. Фақат қайтишга ҳали эрта».
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20