«Реал»нинг бразилиялик ҳужумкор ярим ҳимоячиси Винисиус Жуниор клубдаги келажагига катта ишонч билан қарамоқда. «Реал», жамоадошларим ва клуб президенти Флорентино Пересга 100 фоиз ишонаман. Перес ҳаттоки, менга алоҳида мухлислик қилишини ҳам яширмаяпти. Шундай экан, бутун фаолиятимни «Реал»га бағишлашни истардим. Мақсадим тайин — кўп ўйнаш ва гол уриш асносида ғалабаларни нишонлаш ва клубнинг янги тарихини бойитишга ҳисса қўшиш», — деди 20 ёшли футболчи.

Маълумот учун, «Реал» Винисиусни 2018 йили «Фламенго»дан сотиб олган. У ортда қолган вақтда «бланкос»нинг жами 98та ўйинида иштирок этиб, 11та гол уришдан ташқари, 20та самарали узатма муаллифи бўлди.

Айтганча, «Реал» президенти Флорентино Перес коронавирусдан бутунлай қутулди. Мадрид клуби матбуот хизматини хабарига қараганда, 73 ёшли функционер 48 соат давомида 2 марта тест топширган ва улар манфий натижа берган. Перес ЧЛ 1Ғ8 финалидан ўрин олган «Аталанта»га қарши ўйин олдидан футболчилар билан кўришиб, уларга омад тилади, аммо ўзи Бергамо шаҳрига бормади.