Қизиқ факт: АПЛ тарихида украиналик ҳимоячи Александр Зинченко каби фоиз бўйича кўп ғалаба нашидасини сурган футболчи йўқ. Ваҳоланки, у аввалги мавсум «Манчестер Сити» асосий таркибидаги ўрнини йўқотиб қўйди. Жорий мавсум бошида эса умуман ўйнамай қўйди. Аниқроқ айтсак, Зинченко нақ 3 ой давомида АПЛ ўйинларида кўриниш бермади. Тўғри, бунинг сабаблари ҳам бор эди...
Александр Зинченко феноменал статистикага эга. «Манчестер Сити» АПЛда у қанташган ўйинларда ўртача ҳисобда 2,56 очко олмоқда. Бу Зинченконинг клубдаги 4 мавсумлик натижаси! АПЛ тарихида 30тадан кўп ўйинда иштирок этган бошқа бирор футболчи бундай кўрсаткич билан мақтанолмайди. Шунчаки, ажойиб!
**Зинченко мавсум-2019|2020 доирасидаги нақ 21та ўйинни жароҳат туфайли ўтказиб юборди. Янги чемпионатда ҳам айни шу сабаб ортидан 5та учрашувда қатнашмади.
** Ўтган мавсум чап қанот ҳимоячиси Хосеп Гвардиола схемаси бўйича ҳужум пайти сўл тарафда кенглик яратиши керак эди. Энди эса бу позиция эгаси яримқанотда ҳаракатланяпти. Зинченко ушбу чизмага кўниккан эмасди.
**Жоау Канселунинг келиши Зинченко позициясида рақобатни кескин кучайтирди.
**«Манчестер Сити» ўтган йили ЧЛда «Лион»га йўл бўшатгач, украиналик футболчининг рафиқаси Хосеп Гвардиолани ошкора танқид қилишдан тийилмади. Тўғри, бу Зинченконинг бошланғич таркибдаги ўрнига қандай таъсир кўрсатгани маълум эмас, аммо айни ўша пайтдан эътиборан футболчи ҳаттоки, қайдномадан ҳам четда қола бошлади.
**Айтишларича, «Арсенал» бошқарувини қўлга олган мураббий Зинченкони алоҳида қадрларди, уни шахсан ўзи шуғуллантириб, таркибга тортарди. Микель Артета кетгач, Зинченконинг ҳам «Сити»даги фаолияти якунланаётгандек туюлди. Ҳар ҳолда, ўтган кузда унинг агенти «Наполи» варианти ҳақида гапирди. Январь ойига келиб, Кайл Уокер коронавирусга чалинди ва Зинченкода таркибга қайтиш имкони туғилди. Кейин «Сити» қаторасига 8та ўйинда ғалаба нашидасини сурди. Бу серияни Зинченкога боғлаш нотўғридир, зеро, «шаҳарликлар» олдинроқ ўзларига келиб, кетма-кет 3та учрашувда ғалаба қозонишганди. Лекин Зинченко чиндан ҳам, яхши ўйнай бошлади. Шунга мувофиқ, Гвардиола ҳимоячини мақтамоқда. Дейлик, яқинда уни сира хато қилмайдиган даражада ақлли йигит сифатида таърифлади: «Зинченко чап қанот ҳимояда ўзини сувдаги балиқ каби эркин ҳис қилмоқда. Биламан, у ҳужумкор ярим ҳимоячи ролини хуш кўради. Лекин бир-бирга вазиятлар учун тезлиги бироз паст, ҳужумкор хавбек бўлишига яна гол уриш ҳолатини тўлиқ ҳис этолмаслиги халақит беради. Муҳими, Зинченко схемамизда тамал тошидек аҳамиятга эга, чунки ўйинни яхши тушунади. У қандай ҳаракатланишни яхши билади, қарор қабул қилишни пайсалга солмайди. Муҳими, тўп билан талаб даражасида муомала қилади. Зинченко айниқса, тактик томонлама ақлли, ҳаттоки, ҳимоявий ҳаракатларда ҳам. Яна тезкор қарор қабул қилишга эътибор қаратиб, деярли хатога йўл қўймайди. Мана, охирги ҳафталарда «Челси» ва «MЮ»га қарши муҳим ўйинларда нималарга қодирлигини кўрсатиб, олдинга катта қадам ташлади. Хуллас, Зинченконинг айни савиясига гап йўқ».
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20