Статистика: Юбилей – ўттизинчи чемпионат старт олмоқда...

08.03.2021 12:21

357

Статистика: Юбилей – ўттизинчи чемпионат старт олмоқда...

Сизга яхши маълумки, 9 март куни Суперлигада футбол бўйича, юбилей - ўттизинчи Ўзбекистон чемпионатига старт берилади. Ана шу биринчиликка рақамлар орқали назар ташлашни таклиф этаман: чемпионатнинг нечта иштирокчиси, қанча ўйнаган, гол урган ва гол ўтказиб юборган? Ушбу юбилей чемпионатида бизни қандай юбилей ва рақамлар кутаётгани ҳам қизиқ.

*** Масалан, чемпионат дебютанти Яйпаннинг «Турон» жамоаси элитамизнинг 40-иштирокчисига айланади. Улар албатта, дастлабки голларини уришади, ўтказиб ҳам юборишади, шунингдек, биринчи ғалаба, дуранг ва мағлубиятлари ҳам қайд этилади.

*** Бу йил Ўзбекистон чемпионатининг юбилей - 20 000-голи урилиши аниқ. Бунинг учун 360та тўп киритилиши керак. Жорий мавсум футбол мухлисларини яна кўплаб юбилей воқеликлар кутмоқда.

*** Фақат икки жамоа - мамлакатнинг амалдаги чемпиони «Пахтакор» ва Наманганнинг «Навбаҳор» жамоалари миллий чемпионатимиз олий дивизионидаги юбилей - 30-мавсумини нишонлашади.

*** Бундан ташқари, «Пахтакор» ушбу мавсумда элитадаги 600-ғалабасини нишонлайди. Бу ўзига хос рекорддир, унга қадар эса ўн бешта ғалабали учрашув қолган. Чемпионатда қатнашган йиллари давомида 2000 очколик маррага етиши учун Питер Хюистра жамоасига атиги 12 очко керак бўляпти. Ўтган мавсумда «Пахтакор» ўзининг юбилей - 1900-голини урганди. Янги мавсумда эса пойтахтликларнинг рақиблари 2000-голини уришига тўсқинлик қилишлари қийин. Бунинг учун эса атиги 66та гол керак.

*** Наманганнинг «Навбаҳор» жамоаси 6та ғалабали учрашувидан сўнг 400-ғалаба маррасига эришади.

*** Агар Қаршининг «Насаф» клубида ишлар яхши кечса, Рўзиқул Бердиев шогирдлари мавсум бошидаёқ чемпионатда юбилей - 1300-очкосига эришишлари мумкин. Бунинг учун «Насаф» атиги олти очко тўплаши лозим. Шунингдек, қаршиликлар юқори дивизиондаги ғалабалари сонини 400тага етказишга мажбурдирлар ва бунинг учун 15та учрашувда зафар қучишлари талаб этилади. Ўтган мавсумда «Насаф» қўлга киритилган айнан 15та ғалаба эвазига 2-ўринни эгаллашга муваффақ бўлди.

*** Жиззахнинг «Сўғдиёна» жамоасига рақиблари 900-очкосига етишишига тўсқинлик қилиши эҳтимолдан йироқ эмас. Улуғбек Бақоев шогирдлари давра рақамига етишлари учун атиги 13 очко тўплашлари керак.

*** «Андижон»нинг 900-голини урганидан мухлислари билан биргаликда хурсанд бўлишни жуда истардим. Бунинг учун жамоага 17та гол етишмаяпти. Аммо бунинг учун Отабек /уломхўжаев шогирдлари бироз тер тўкишлари талаб этилади. Гап шундаки, «Андижон» жамоаси ўтган мавсумда рақиблар дарвозасига атиги 16та (!) гол урган.

*** Пойтахтнинг «Бунёдкор» клуби икки ёқимли ва битта бироз ёқимсиз юбилей арафасида турибди. Яқинлашиб келаётган мавсум «қалдирғочлар» учун 15-си бўлади. Шунингдек, Вадим Абрамов шогирдлари учун 6-тур баҳси элитадаги 400-учрашувга айланади. Аммо пойтахтликларни нохуш думалоқ рақам ҳам кутяптики, жамоа ўз дарвозасидан яна 17та гол ўтказиб юборса, 300-лик маррасига етган бўлади.

*** Навоийнинг «Қизилқум» жамоаси элитадаги 800-очкога яқин. Шунингдек, уларни салбий натижа кутмоқда, яъни ўтказиб юборилган 18-гол Ҳамид Актамов шогирдларининг 1000-голига айланади.

*** Пойтахт «Локомотив»и чемпионатдаги 800-очкосини нишонлаши ва 100-дуранг натижани қайд этиши кутилмоқда.

*** Муборакнинг «Машъал» клуби ўзининг элитадаги 19-чемпионатида кам ўтказиб юборилган 700та гол ва эҳтимол, 100та дурангни нишонлайди.

*** Агар Бахтиёр Ашурматов шогирдлари бўлажак чемпионатда 37 очко тўплай олишса, «Қўқон-1912» жами тўпланган очколарини 700тага етказишади.

*** Миржалол Қосимов шогирд-лари 500-очкосини нишонлашади. Бунинг учун элитадаги 14-мавсумида АГМК 27 очко тўплаши керак.

*** Суперлиганинг икки жамоаси - Бекободнинг «Металлург» ва Термизнинг «Сурхон» клублари бўлажак чемпионатни ҳеч қандай тур рақамларисиз ўтказишади.

Юқоридаги рақамлардан келиб чиққан ҳолда, мамлакатнинг барча ўтган 29 мавсуми сарҳисоб жадвалини тақдим этамиз:

- Олий лига ва Суперлига тарихида 19640та гол урилди, биз элитадан 20000-голни кутмоқдамиз. 2020 йилги мавсумда 450та гол урилди, ўртача кўрсаткич ҳар бир ўйинда 2,47тани ташкил этди.

- ФИФА турли даражадаги қоидабузарликлар учун қуйидаги очколарни олиб ташлаганди:

- 2016 йили «Шўртан»дан 3 очко;

- 2018 йили «Бунёдкор»дан 6 очко.

№	Клуб	Мавсум	Ўйин	Ютуқ	Дуранг	Мағлубият	Тўплар нисбати	Очко
1	«Пахтакор» (Тошкент)	29	854	585	135	134	1934-718	1888
2	«Нефтчи» (Фарғона)	27	802	473	126	230	1566-856	1545
3	«Навбаҳор» (Наманган)	29	854	394	176	284	1402-1023	1358
4	«Насаф» (Қарши)	24	702	385	139	178	1248-770	1294
5	«Бухоро»,«Нурафшон» (Бухоро)	28	828	319	142	367	1108-1262	1099
6	«Сўғдиёна» (Жиззах)	25	742	251	134	357	934-1215	887
7	«Андижон», «Наврўз» (Андижон)	25	740	235	153	352	983-1218	858
8	«Динамо», «Афросиёб», «Мароқанд»(Самарқанд)	24	706	241	124	341	853-1034	847
9	«Бунёдкор», «Қурувчи» (Тошкент)	14	394	255	79	60	726-283	838
10	«Металлург» (Бекобод)	23	668	224	138	306	828-1025	810
11	«Қизилқум» (Зарафшон - Навоий)	21	608	215	131	262	742-882	776
12	«Локомотив» (Тошкент)	16	450	227	94	129	735-511	775
13	«Машъал» (Муборак)	18	512	209	93	210	650-690	720
14	«Трактор» (Тошкент)	16	490	178	87	225	684-814	621
15	«Қўқон-1912», «Темирйулчи» (Қўқон)	15	454	164	71	219	603-802	563
16	«Дўстлик», «Политотдел» (Тошкент вил.)	11	346	169	52	125	669-532	559
17	АГМК, «Олмалиқ» (Олмалиқ)	13	364	132	77	155	503-529	473
18	«Сурхон», «АСК» (Термиз)	14	426	123	75	228	504-800	444
19	«Шўртан» (/узор)	12	340	108	54	178	393-566	375
20	МҲСК, «Пахтакор-79» (Тошкент)	17	216	106	44	66	420-335	362
21	«Хоразм», «Динамо» (Урганч)	8	248	62	44	142	281-518	230
22	«Зарафшон» (Навоий)	6	196	60	37	99	263-355	217
23	«Янгиер» (Янгиер)	7	216	56	37	123	266-385	205
24	«Орол», «Турон» (Нукус)	5	164	44	23	97	171-329	155
25	«Косонсой», «Кушон» (Косонсой)	5	156	40	25	91	171-305	145
26	«Гулистон», «Шифокор» (Гулистон)	5	154	34	17	103	142-340	119
27	«Атласчи» (Марғилон)	4	124	34	16	74	149-280	118
28	«Чирчиқ» (Чирчиқ)	4	122	26	25	71	130-240	130
29	«Тўполанг» (Сариосиё)	3	86	28	12	46	103-146	96
30	«Кимёгар» (Чирчиқ)	2	72	20	16	36	83-125	76
31	«Академия» (Тошкент)	1	34	16	11	7	72-45	59
32	«Семурғ» (Ангрен)	2	72	15	12	45	99-200	57
33	«Обод» (Тошкент)	2	60	8	9	43	40-103	33
34	«Цементчи» (Қувасой)	1	30	8	7	15	39-64	31
35	«Чилонзор» (Тошкент)	1	34	8	6	20	51-70	30
36	«Шаҳрихон» (Шаҳрихон)	1	32	7	7	18	25-67	28
37	«Кимёгар» (Чирчиқ)	1	32	5	5	22	30-68	20
38	«Вобкент» (Вобкент)	1	30	3	6	21	23-70	15
39	«УзДонгЖу» (Андижон)	1	30	2	7	21	17-65	13
40	«Турон» (Яйпан)	0	0	0	0	0	0\|0	0