«Барселона» Ла Лига 1-турининг қолдирилган учрашувида «Эльче»ни 3:0 ҳисобида енгди, жамоа етакчиси Лионель Месси 2та гол урди. Шу тариқа Каталония клуби ички биринчиликдаги мағлубиятсиз сериясини 14та ўйинга етказди. Диққатга сазовор томони, «Эльче» голкипери Эдгар Бадия финал ҳуштаги янграганидан кейин ўзини «дубль» билан «сийлаган» Леога яқинлашди ва ундан футболкасини сўради. Аргентиналик юлдуз илтимосни рад этгани йўқ, шунинг баробарида Бадиянинг дарвозабонлик свитерини олишни истади. У бунга жавобан бироз асабийлашди, ғоят ҳайрон бўлди, лекин свитерини ечиб берди, барибир.
«Эльче» билан ўйиннинг Лионель Мессига фойдаси
* «Барселона»нинг охирги 3та ўйинидаги голлари сонини 5тага етказди;
* Голли сериясини 7та ўйинга чўзди;
* 2021 йилги голлари сонини 13тага етказди;
* Ла Лига-2020|2021даги голлари сонини 18тага етказди;
* Ўз коллекциясига яна бир футболка (свитер) қўшиб қўйди.
P.S.: Лионель Месси «Севилья»га қарши баҳсда бу натижаларини янада яхшилади.
«Барселона» ушбу ўзгача «бартер» кадрини «Твиттер»даги турк аккаунтида намойиш қилди. Шунингдек, Бадиянинг «Барселона» футболчилари томонидан берилган зарбаларни бартараф этгани акс этган лавҳалар ҳам илова қилинди. Айтганча, бу кипер «Жоан Гампер кубоги»да «Барса»га қарши кечган баҳс (0:1)да ҳам катта жасорат кўрсатган эди. Месси эса Примеро доирасида «Эльче» билан бўлган олдинги ўйинда қатнашмаган эди. «Барса» Леосиз ўйнаганига қарамай, 2:0 ҳисобида ғалаба қозонган ва Эдгар Бадия 2та гол қўйиб юборганини ўзгача изоҳлаганди: «Месси - дунёнинг энг яхши футболчиси. Унинг йўқлиги рақиб дарвозабонида мувозанат бузилишига олиб келиши мумкин. Тан оламан, Лео майдонда бўлганида, «Барса»нинг ўйинига сезиларли таъсир кўрсатарди. Унинг йўқлигида кўп нарса ўзгаради. Аммо бугун савияли футболчилари етарли жамоага қарши турганимизни унутмаслик керак, барибир».
Бадия Барселонада туғилган, лекин болалигидаёқ «Эспаньол» академиясига борган. «Эльче» сафига 2019 йили қўшилган кипер Каталония терма жамоаси сафида 2та ўйин ўтказган. Ҳозир «Эльче»нинг ишлари яхши эмас, шунинг учунми, Бадия учрашувдан сўнг «Твиттер»да Месси билан футболка алмаштирганини ёзмади, шунчаки, бошқа маънода «твит» қолдирди: «Жамоамиз ўйинидан фахрланамиз ва йўлимизда давом этамиз».
Ҳ.АТАВУЛЛАЕВ тайёрлади
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20