«Ренн», «Боруссия» Д., «Барселона» - булар Европада 18 ёш ва кичикроқ футболчиларга энг кўп ўйин вақти тақдим этаётган клублар. Transfermarkt портали айнан 2002 йилдан кейин туғилган футболчиларга яхшигина имконият бераётган жамоалар рейтингини тузиб чиқди. Бунда ёшларнинг жорий мавсум умумий ҳисобда неча дақиқа ўйнашгани ҳисобга олинган (рейтинг 1 март кунигача миллий чемпионатлар доирасида ўтказилган учрашувлар қайдномаси юзасидан чиқарилган). Дарҳақиқат, қизиқарли таҳлил...

Рейтингга асосан олсак, «кўҳна қитъа»да ёшларга ишонч билдириш бобида «Ренн» (Суратдаги)га етадигани йўқ. Бу жамоа жорий мавсум Лига 1 доирасида нақ 5 нафар 18 ёш ёки кичик футболчига жами 3788 дақиқа ўйин вақти тақдим этди. Шундай бўлсада реннликлар чемпионатда 7-ўринда боришмоқда...Умуман, Франция чемпионати ёш иқтидорлар учун энг маъқул лига ҳисобланади. Ҳар ҳолда, Лига 1нинг яна 2та клуби transfermarkt портали рейтингида кучли 10таликка кирди. Хусусан, «Сент-Этьен»да майдонга тушган ёш футболчилар кўпроқ - 6 нафар. Бу сон бўйича энг яхши натижа. Тўғри, «Андерлехт» (Бельгия) ҳам айнан 6 нафар «мурғак» ўйинчига майдонда тўп суриш имкониятини тақдим этгани билан мақнатиши мумкин.

Европада 18 ёш ва кичикроҚ футболчиларга энг кўп ўйин ваҚти бераётган клублар (топ-15)

1. «Ренн» (Франция): 3788 дақиқа

5 нафар футболчи - Эдуардо Камавинга, Жереми Доку, Адриен Трюффер, Брэндон Соппи, Жеоржиньо Рютте

2. «Сент-Этьен» (Франция): 3199 дақиқа

6 нафар футболчи - Одил Аушиш, Люка Гурна-Дуат, Максенс Ривера, Саиду Сов, Марвин Тшибуа­буа, Абдулайе Сидибе

3. «Андерлехт» (Бельгия): 3123 дақиқа

6 нафар футболчи - Анвар ал Ҳаж, Киллиан Сарделла, Марко Кана, Кристиан Арнстад, Марио Струйкенс, Жереми Доку

4. «Боруссия» Д. (Германия): 2829 дақиқа

4 нафар футболчи - Жованни Рейна, Жуд Беллингэм, Рейньер, Юссуф Мукоко

5. «Спортинг» (Португалия): 2575 дақиқа

3 нафар футболчи - Нуну Мендеш, Тьягу Томаш, Эдуарду Куарежма

6. «Барселона» (Испания): 2106 дақиқа

3 нафар футболчи - Педри, Ансу Фати, Илайш Мориба

7. «Аякс» (Нидерландия): 2078 дақиқа

4 нафар футболчи - Райан Гравенберх, Кеннет Тэйлор, Девайн Ренсх, Бриан Бробби

8. «Реймс» (Франция): 1838 дақиқа

3 нафар футболчи - ал Билол Туре, Натанаэль Мбуку, Уго Экитике

9. ПСВ (Нидерландия): 1688 дақиқа

4 нафар футболчи - Чуквунонсо Мадуэке, Муҳаммад Ихаттарен, Жереми Антониссе, Фредрик Оппегор

10. «Байер» (Германия): 1650 дақиқа

1 нафар футболчи - Флориан Виртц

11. «Мехелен» (Бельгия): 1299 дақиқа

1 нафар футболчи - Астер Вранкс

12. «Валенсия» (Испания): 1284 дақиқа

1 нафар футболчи - Юнус Мусо

13. «Гронинген» (Нидерландия): 1278 дақиқа

5 нафар футболчи - Томас Суслов, Йоэль ван Каам, Киан Слор, Паулос Абрахам, Романо Постема

14. «Хоффенхайм» (Германия): 1059 дақиқа

4 нафар футболчи - Марко Жон, Мелайро Богарде, Жеоржиньо Рютте, Максимилиан Байер

15. «Зальцбург» (Австрия): 1010 дақиқа

4 нафар футболчи - Карим Адеми, Мауриц Кжергор, Лука Сусич, Бенжамин Шешко

Кейинги  ўринлар

«Болонья» (Италия): 947 дақиқа; «Вулверхэмптон» (Англия): 921 дақиқа; «Брюгге» (Бельгия): 907 дақиқа; «Кёльн» (Германия): 879 дақиқа; «Льеж» (Бельгия): 857 дақиқа; «Генк» (Бельгия): 814 дақиқа; «Мец» (Франция): 772 дақиқа; «Цульте-Варагем» (Бельгия): 756 дақиқа; «Витесс» (Нидерландия): 741 дақиқа; «Специя» (Италия): 700 дақиқа; «Реал ­Сосьедад» (Испания): 669 дақиқа; «ПСЖ» (Франция): 632 дақиқа; «Ростов» (Россия): 596 дақиқа; ЦСКА (Россия): 534 дақиқа; «Ланс» (Франция): 526 дақиқа.

Ж.БОБОХОНОВ тайёрлади