«Реал Мадрид» ва «Ювентус» клублари Европа Суперлигаси лойиҳасида қатнашгани учун жиддий санкцияларга дуч келишмоқда.

АС газетаси Ла Газзетта делло Спорт-га асосланиб хабар берганидек, УЕФА раҳбарияти клубларнинг ҳаракатларидан норози ва улар муваффақиятсиз турнирнинг бошқа иштирокчиларидан фарқли ўлароқ, бу ғоядан воз кечишмади. Ташкилот ижроия қўмитасининг бир қатор аъзолари «қаймоқранглилар» ва туринликларни иложи борича қаттиқроқ жазоланиши керак ва келаси мавсум учун Чемпионлар Лигасидан чиқариб юборилиши керак, деб ҳисоблашади. Бошқалар санкциялар шунчалик қаттиқ бўлиши кераклигига амин эмаслар. Ушбу масаланинг муҳокамаси бугун, 23 апрель куни бўлиб ўтиши кўзда тутилган.

Эслатиб ўтамиз, «Реал Мадрид» президенти Флорентино Перес ва «Ювентус» раҳбари Андреа Аньелли Суперлиганинг асосий ташкилотчилари қаторида эдилар. Турнирда бу икки клубдан ташқари «Барселона», «Атлетико», «Интер», «Милан», «Манчестер Сити», «Манчестер Юнайтед», «Ливерпул», «Челси», «Арсенал» ва «Тоттенхем» иштирок этиши керак эди.