2020-2021 йиллар мавсуми ниҳоясига етмоқда. Европа миллий чемпионатларида бир қатор клублар муддатидан олдин чемпионликни нишонлашди. Қуйида ана шу чемпионатлар ҳақида сўз юритамиз.
Италия - «Интер»
Жамоа 2011 йилдан буён илк бор соврин ютди. Ўшанда миланликлар Италия кубогини қўлга киритишганди. 2010 йилдан бери эса энди чемпион бўлмоқда.
Россия - «Зенит»
Питерликлар Россия чемпионлигини қаторасига учинчи бор қўлга киритишди. Эътиборли томони, жамоа бу ишни Семак қўл остида амалга оширди.
Голландия - «Аякс»
Амстердам жамоаси «олтин дубл» қайд этди. Жамоа олдинроқ мамлакат кубогини ҳам қўлга киритганди.
Шотландия - «Глазго Рейнжерс»
Глазголиклар 55-марта чемпион бўлиб, рекорд ўрнатишди.
Украина - «Динамо Киев»
«Динамо» охирги тўрт йилда илк бор чемпион бўлди.
Венгрия - «Ференцварош»
Жамоа қаторасига учинчи йил жадвални биринчи ўринда якунлайди.
Греция - «Олимпиакос»
Пирейликлар финишдан анча олдин чемпионлик масаласини ҳал қилишганди. Бу Пирей клубининг 46-чемпионлиги. Мамлакатда эса 85 йилдан буён чемпионат ўтказилади.
Сербия - «Црвена Звезда»
Жамоа қаторасига тўртинчи, Деян Станкович бошчилигида эса қаторасига иккинчи марта мамлакат чемпиони бўлди.
Польша - «Легия»
Жорий мавсумга қадар «Гурник», «Рух» ва «Легия» жамоалари 14 мартадан мамлакат чемпиони бўлишганди. Энди бемалол «Легия»ни мамлакатнинг энг кўп чемпион бўлган жамоаси деб аташ мумкин.
Шимолий МакедонИя - «Шкендия»
Жамоа тўртинчи совринини қўлга киритди. «Шкендия» илк бор 2011 йилда чемпион бўлганди.
Черногория - «Будучность»
Жамоа чемпионлигини финишдан анча олдин ҳимоя қилди. Турнир якунланишига 4 тур қолганида энг яқин таъқибчисидан 24 очко олдинда бормоқда.
Чехия - «Славия»
Жамоа қаторасига учинчи марта чемпионга айланди. Аммо бу борада «Спарта»га (12 чемпионлик) етиб олиш учун анча тер тўкишга тўғри келади.
Швейцария - «Янг Бойз»
Швейцария чемпионати якунланишига ҳам 4 тур қолди. Муддатидан олдин чемпион бўлган «Янг Бойз» энг яқин таъқибчилари - «Базель» ва «Серветт»дан 25 очко кўп жамғарган.
Мальта - «Хамрун Спартанс»
Мальта чемпионатида ғолиблар номи тез-тез ўзгариб туради. «Хамрун» 8-марта мамлакат чемпиони бўлди. Охирги марта жамоа 1991 йили бош совринга эга чиққанди.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20