Жаҳон футболи юлдузлари Хитой Суперлигасидан ёппасига юз ўгиришмоқда. Бунга мамлакат футболида қўлланилаётган молиявий чекловлар сабабдир. Бундан бир неча йил аввал Хитой элит лигаси клублари футбол бозорида катта ларзани юзага келтириб, Европа ва Лотин Америкасидан кўзга кўринган ўйинчиларни бирин-кетин таклиф қилишга тушганди. Аммо 2020/2021 йиллар мавсумига келиб, юлдузлар оммавий равишда Хитойдан ортга қайта бошлашди. Айни пайт маҳаллий Суперлигада Оскар, Маруан Феллайни ва бир қатор савияси унча юқори саналмаган легионерлар қолишди, холос...

Гап шундаки, 2021 йили Хитой Суперлигасининг ривожланиш вектори ўзгартирилди. Жумладан, январь ойидан эътиборан футболчиларга маош тўлаш масаласида янги чекловлар жорий этилди. Айни шу омил хорижликларни маҳаллий лигадан қочишларига сабаб бўлди. Юлдузларни кетишга мажбур қилган янги қоиданинг асоси: легионерлар учун тўланадиган йиллик маош миқдори 3 миллион евродан ошмаслиги керак (бонуслар ҳисобга олинмайди). Оддий мисол, «Шанхай СИПГ»нинг бразилиялик ярим ҳимоячиси Оскар шунча пулни атиги 7 ҳафтада топарди (ҳафтасига чамаси 450 минг евро). Клублар фақат амалда шартномаси бор легионерларга аввалги тизим бўйича маош тўлаши мумкин. Бунда 3 йилгача бўлган шартномага кўра, чекловдан четга чиқиш имкони бор.

Шунингдек, умумий чекловга мослашиш лозим — бутун жамоа учун чамаси 75 миллион евро (600 миллион юань) ажратилган, шундан фақат 10 миллиони легионерларга сарфланиши мумкин. Бу ерда асосий «сюрприз» — иш ҳақи бўйи­ча барча харажатлар, жумладан, бонуслар ҳам умумий чеклов ичида. Агар маош тўлови белгиланган меъёрдан ошиб кетса, жамоа 24 очкодан маҳрум қилинади ва ҳаттоки, футболчи Хитой байроғи остидаги мусобақалардан четлаштирилиши ҳам мумкин. Аммо легио­нерлар учун лимит юмшатилди — 5 нафар хорижликни рўйхатдан ўтказиш ва улардан 4 нафарини бир вақтда майдонга туширишга рухсат берилди.

Шунга қарамай, маҳаллий мутахассислар клубларнинг янги қоидалардаги бўшлиқларни осонгина топишига шубҳаланишмаяпти, худди 2018 йили Седрик Бакамбу трансфери билан бўлгани каби. Ўшанда «Вильярреал» футболчи учун 40 миллион евро олганди, бироқ маблағ харидор клуб эмас, балки учинчи шахс томонидан тўланган. «Пекин Гуоан» шу тариқа солиқ тўловидан қочганди, чунончи, клуб ҳужжатларда трансферга пул сарфламаган. Бироқ энди бундай «ҳийла» билан футболчиларни ишонтириш қийин-ов...

Қиш-2020

Яя Туре

Фаолиятини тугатди

Эсекьель Лавесси

Фаолиятини тугатди

Хавьер Маскерано

«Эстудиантес»га ўтди

Янник Феррейра Карраско

«Атлетико»га ўтди (ижара)

Ёз-2020

Карлос Жил

«Коринтианс»га ўтди

Фредди Гуарин

«Васко да Гама»га ўтди

Эран Захави

ПСВга ўтди

Аввалроқ

Кетганлар

Жексон Мартинес

Эркин агент

Жервиньо

Эркин агент

Алешандро Пато

Эркин агент

Хонатан Сориано

Эркин агент

Демба Ба

Эркин агент

Рамирес

Эркин агент

Аксель Витцель

«Боруссия» (Д.)га ўтди

Қиш-2021

Халк

«Атлетико Минейро»га ўтди

Алекс Тейшейра

Эркин агент

Саломон Рондон

ЦСКА (М.)га ўтди (ижара)

Стефан ал Шаарави

«Рома»га ўтди

Грациано Пелле

«Парма»га ўтди

Одион Игало

«Ал-Шабаб»га ўтди

Марек Гамшик

«Трабзонспор»га ўтди

Ёз-2020

Паулиньо

«Ал-Аҳли»га ўтди

Андерсон Талиска

«Ал-Наср»га ўтди

Эдер

«Сан-Паулу»га ўтди

Ренато Аугусто

«Коринтианс»га ўтди

Ромуло

«Васко да Гама»га ўтди