Миллионларнинг севганидир футбол,

Мухлислар «хаста»лигидир бу эҳтимол.

Жозиба беради, кўплардир лол,

Ҳаётда ҳар доим ёқимли бўлиб қол!

            Олам-олам завқ, шодлик бағишлар,

            Ғам-ғуссадан сўзсиз озод этар.

            Ёшликдан дилга жо, нақ пайванддир,

            Инсон умрига мазмун қўшар!

Футбол шарҳидан мамнун юради,

Сўзлар албатта, маъноли чиқса.

Шарҳловчи юракдан қайнаб турса,

Мухлислар учун малҳам бўлади!

            Таҳсинга лойиқ шарҳчилар борки,

            Озеров, Ахбор, Мирзаҳакимдек.

            Такрор қайтаринг ҳисоб, вақтни,

            Мухлисни қийнаманг, хуноб қилгандек!

Шарҳчиларимиз хафа бўлишмасин,

Аччиқ гаплар, мухлис фикридан.

Шарҳламанг тузилган тестни ҳеч,

Сохталик ошкордир эртами-кеч!

            Минг афсусларки, шарҳчиларимиз,

            Талабга асло беришмайди жавоб.

            Шижоати йўқ, суст жозибасиз,

            Қоғозда бор, фақат ҳисоб-китоб...

Футбол жозибаси ҳакамлардан ҳам,

Бўлар-бўлмасга чалар ҳуштак.

Йиқилса ўйинчи, бўлди-тамом,

Чалишар ҳуштакни, бу жуда пучак.

            Футболда доимо жозиба бўлсин,

            Байрамдек кечсин, хотирада қолсин.

            Мухлислар ҳамиша қувноқ юришсин,

            Футболда жозиба ҳамоҳанг юрсин.

Ғуломжон ҲАМИДОВ (Тошкент шаҳри).