Португалия термаси ЖЧ-2022 саралашида Ирландия жамоасини 2:1 ҳисобида енгди. Криштиану Роналду - яна «дубль» муаллифи (89 ва 90]6-дақиқалар). У шу тариқа жаҳон миллий жамоалари тўпурарлари рўйхатида мутлақ 1-ўринга кўтарилди. Криш 111та голини 180та ўйинда нишонлаган. Роналду бунга қадар голеадорлар рейтингини эронлик Али Даи (109та гол) билан бирга бошқариб турганди.
Роналду навбатдаги рекордидан сўнг «Инстаграм» орқали Али Даига алоҳида мурожаат қилди: «Али Даи маррани шу қадар юқорига кўтариб қўйгандики, орада ҳаттоки, унинг кўрсаткичини такрорлаш имконсиз эканлиги ҳақида ўйладим. Даини табриклашим керак, шунча узоқ вақт рекордчи бўлиб келди. Яна унинг буюк натижасига яқинлашганимда, менга ҳурмат билан ёндашгани учун ҳам раҳмат».
*** Криштиану Роналду учун Швеция термасига қарши ўйинлар алоҳида аҳамият касб этади. У терма жамоадаги юбилей - 100-голини айнан шведларга тортиқ этган (жарима зарбасидан).
*** Криштиану Роналду голларидан энг кўп жабрланган жамоалар - Швеция ва Литва термалари (7тадан гол).
*** Криштиану Роналду терма жамоадаги фаолиятида 2 марта «покер» (4та гол)га эришган - Андорра ва Литва термаларига қарши баҳсларда.
*** Криштиану Роналдунинг 111та голидан 14таси пенальти самарасидир. У шунингдек, терма жамоа либосида 7та пенальтидан фойдаланолмаган.
Криштиану Роналдунинг Португалия термасидагиголлари
Жаҳон чемпионати саралаши - 33та
Европа чемпионати саралаши - 31та
Ўртоқлик ўйинлари - 19та
Европа чемпионати - 14та
Жаҳон чемпионати - 7та
Европа Миллатлар лигаси - 5та
Конфедерациялар кубоги - 2та
*** Криштиану Роналду 111та голни 73та ўйинда нишонлаган.
*** 111та голидан 36таси 18та «дубль» ортидан келган.
*** Криштиану Роналду гол урган ўйинларда Португалия термаси атиги 7 марта мағлубиятга учраган ва 60 марта ғалаба нашидасини сурган.
*** Криштиану Роналду топ-жамоалардан Англия ва Италия термалари дарвозасига ҳали гол урган эмас.
***
Криштиану Роналду ўтган ҳафта Гиннес рекордлари китобининг махсус сертификатини қабул қилиб олди. Португалиялик юлдуз - миллий жамоалар иштирокидаги халқаро ўйинларнинг энг сермаҳсул футболчиси! Гиннес рекордлар китоби ҳайъат қўмитаси Ирландия термасига қарши кечган ЖЧ-2022 саралаш босқичи доирасидаги учрашувда «дубль» қайд этиб, мамлакат миллий жамоаси либосида урган голлари сонини 111тага етказиб қўйган Кришга мутлақ кўрсаткич муаллифи эканлигини тасдиқловчи махсус сертификат топширишни пайсалга солгани йўқ.
Алоҳида айтиш керак, Криштиану рекордлар китобига биринчи марта киргани йўқ. Унинг халқаро рекордларни расмий равишда белгилаб борувчи китобдаги кўрсаткичлари етарли:
- Европа Чемпионлар Лигасида энг кўп гол урган футболчи (134та).
- Европа Чемпионлар Лигасининг бир мавсумида энг кўп гол урган футболчи (17та).
- «Инстаграм» ва «Твиттер» тармоқларида энг кўп обуначига эга спортчи.
- «Инстаграм» тармоғида энг кўп кузатувчиси бор аккаунт эгаси.
- Википедияда энг кўп кўрилган саҳифа соҳиби.
- Жаҳон миллий жамоаларининг энг яхши тўпурари (111та).
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20