Coca Cola Суперлига 20-туридан ўрин олган "Навбаҳор" - "Қизилқум" (0:0) учрашувидан кейин ўтказилган матбуот анжуманининг биринчи қисмида меҳмонлар бош мураббийи Ҳамиджон Актамов қатнашиб, ўйин ҳақидаги фикрлари билан ўртоқлашди.
- Авваламбор ассалому алайкум! Шундай яхши ўйин бўлишини кутгандик, дуранг адолатли бўлди деб ўйлайман. "Навбаҳор"да ҳам, бизда ҳам вазиятлар бўлди. Ким гол урса, ўша ғалаба қозонарди. Имкониятлар яратганимизга қарамай, улардан фойдалана олмадик.
- Ўйин бошида ҳакам томонидан бир-иккита хато бўлганди, жаҳлим чиқди. Одамман, темир эмасман, ўрнимда бошқа одам бўлганда ҳам шундай бўлиши аниқ эди. Бабаяннинг футболга қайтиши ҳақида? Футболга меҳнати синган мутахассис. Унинг ишига мухлислар баҳо беришади.
- Бугунги ўйин натижасидан қониқиш ҳосил қилмадим. Ютишимиз керак эди. Олдимизга қўйилган вазифани бажариш учун охиригача курашамиз, тўхташ йўқ, - фикрларини якунлади Ҳамиджон Актамов.
***
Матбуот анжуманининг иккинчи қисмида мезбонлар бош мураббийи Виктор Жалилов қатнашди
- Ҳар икки жамоа бир-бирига муносиб эканлигини, тенг кучга эга эканлигини кўрсатди. Шу боис, голлар кўрмадик. "Қизилқум"да ҳам, бизда ҳам 100 фоизли вазиятлар бўлмади. Ўйлашимча, дуранг адолатли бўлди. Бугун ҳеч ким ғалабага муносиб эмасди. Гарчи ҳар икки жамоа астойдил курашган бўлса ҳам. Биринчи даврада ҳам улар билан тенгма-тенг ўйнаб, дуранг қайд этгандик. Фақат бугун ҳужумда конструктивлик етишмади.
Машғулот ва ўйин бошқа-бошқа нарсалар. Машғулотларда расмий ўйинлардаги каби қаршилик бўлмайди. Афсуски, ўйинда машғулотда ишлаган режаларимиз иш бермаяпти. Ўйлашимча, қаердадир ҳужумда маҳорат етишмаяпти. Сўнгги нуқтани қўядиган футболчи бўлмаяпти.
Ўринбоевдан аввал биринчи даврада легионер ўйнади. Албатта, мухлисларни ҳам, бизни ҳам ҳужумчининг бундай ўйини қониқтирмаяпти. Лекин вазият шуни тақозо этяпти. Футболчиларнинг бор маҳоратини кўрсатиши учун астойдил ҳаракат қиляпмиз, ҳужумларни ижобий якунлайдиган футболчи етишмаяпти.
Турнир жадвалига назар солсак, юқори ўринлар учун имкониятимиз сақланиб турибди. Зичлик кузатилмоқда жадвалда. Якунда ким кучли бўлса, ўшалар юқори ўринларни эгаллайди. Буни футболчилар ҳам тушуниб туришибди. Охиригача курашамиз.
Бизда нафақат ҳужумчи, балки ҳужумкор футболчилар етишмаяпти. Бу масалани ижобий ҳал қилиш бўйича иш олиб бориляпти. Кейинги йилга яхши ўйинчилар сотиб олишга ҳаракат қилиняпти. Умуман, ҳозирдан кейинги йил тўғрисида гапириш нотўғри, - дея фикрларини якунлади Виктор Романович.
“Навбаҳор” матбуот хизмати.
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20