Бразилиянинг «Витория» клуби ўз футболчисини рўйхатдан чиқаришга бироз шошилди, «Атлетико Паранаэнсе» эса бу вақтда уни сотиб олиш фикридан қайтди. Якунда 19 ёшли Педриньо мутлақо текинга тушди. Жуда тушунарсиз ҳолат...
Жорий мавсумнинг энг ғалати трансфери катта эҳтимолки, Бразилияда юз берди. 19 ёшли иқтидор Педриньо «Атлетико Паранаэнсе» сафига қўшилди - мутлақо текин трансфер. Бир қарашда, бунинг ғайриоддий томони йўқ - футболда учраб турадиган ҳодиса. Лекин ўтиш тафсилотлари билан танишсангиз... Педриньо бунга қадар Байи шаҳрининг «Витория» клубида ўйнарди. «Атлетико» ва «Витория» ўртасида футболчи трасфери юзасидан музокара бошланган вақт ҳам у байиликлар ихтиёрида эди. Хуллас, якунда «Паранаэнсе» ёш бразилиялик учун 8,5 миллион реал (чамаси 1,7 миллион евро) таклиф қилади ва «Витория» трансферга розилик беради. Кейин...
... Кейин Байи клуби ўта катта хатога йўл қўйди: Педриньони негадир дарҳол барча турнирлар «заявка»сидан чиқарди ва ҳаттоки, уни шартнома мажбуриятларидан ҳам озод қилди. Бу орада «Атлетико Паранаэнсе» кутилмаганда, трансфердан бош тортди. Оддий айтганда, клуб кўринишидан, шунчаки, ёш футболчи учун 1,7 «лимон» тўлашни хоҳламади. Орадан кўп ўтмай, «Атлетико»нинг Педриньодан воз кечмагани, аксинча, у жамоа билан эркин агент сифатида шартнома тузгани ойдинлашди. «Витория» раҳбариятининг бу ишларга қандай дахли борлиги номаълум. Хабарларга қараганда, клуб аллақачон судга мурожаат қилди, аммо ҳаммаси қонун доирасида амалга ошгандек. «Витория» энди фақат «Атлетико»га келишув шартларини бузгани туфайли босим ўтказмоқда. «Паранаэнсе» эса бу масалада мутлақо хотиржам. Жамоа вакилларининг айтишларича, музокара жараёни ҳали якунига етказилмаган ва шунинг учун трансфер шартномаси ҳам расмийлаштирилмаганди.
Hieel ники остидаги фойдаланувчининг тахминича, «Витория» ва «Атлетико» вакилллари бу трансферда коррупцион схемадан фойдаланишган. Эътиборли томони, «Витория» президенти Паоло Карнейро олдин «Атлетико Паранаэнсе»да худди шу лавозим соҳиби саналган. Педриньога келсак, у энди ижара келишуви асосида Бразилия чемпионати Иккинчи дивизиони клубларидан бирига йўл олиши мумкин. Ишқилиб, тушунарсиз трансфер тарихи иқтидорли футболчининг йўлини тўсиб қўймасин-да...
А.АҲМЕДОВ тайёрлади
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20