26 сентябрь куни Рим дербисида «Лацио» «Рома»ни 3:2 ҳисобида енгди. Ушбу ўйинга тааллуқли айрим фактлар билан танишамиз.
* Педро - Рим дербисида ҳам «Лацио», ҳам «Рома» таркибида гол урган учинчи футболчи сифатида тарихга кирди.
* Бу Маурицио Саррининг Рим дербисидаги илк ғалабаси.
* Жозе Моуриньонинг Рим дербисидаги илк мағлубияти дастлабки шундай ўйинга тўғри келди. Ундан аввал Луис Энрике ҳам айни тарзда бошлаганди.
Эътиборлиси, «Лацио»нинг ғалабасини бутун жамоа клуб рамзи - бургут билан бирга нишонлади. Жумладан, Элсеид Хюсай, Педро ва жамоа устози Маурицио Сарри тирик бургут билан бирга суратга ҳам тушишди.
Бургут - «Лацио» тимсоли. Нега шундай эканлигини ҳеч ким билмайди. Лекин футбол тарихчилари мазкур фактни «Лацио» жамиятининг дастлабки президентларидан бири Фортунато Баллерини (1902-1922 йилларда жамоани бошқарган) номи билан боғлашади. Айрим маълумотларга кўра, функционер Лациода (Римдаги ҳудуд) бургутлар кўплиги сабаб шу қушни рамз сифатида танлаган.
Лекин узоқ вақт мобайнида бургут «Лацио» уй стадионида кўриниш бермаган. Илк бор ушбу ғояни клубнинг амалдаги президенти Клаудио Лотито ўртага ташлади. 2010 йили у «Бенфика» стадиони атрофида учиб юрган бургутни кўрди ва буни «Лацио» билан ҳам қўллаш мумкинлигини тушунди. У римлик қуш ўргатувчиси Хуан Бернабега учраб, ундан 7500 евро эвазига бургут сотиб олди. Бернабенинг ўзини эса клуб штатига киритди - шундан буён ушбу мутахассис қушнинг ҳолатига жавобгар ҳисобланади. Унга бу борада укаси Хосе Мария кўмаклашади.
Даставвал «Лацио» раҳбарияти фанатларга бургутни номлаш учун 4 хил вариантни тақдим этди - Либера, Виттория, Скеджиа ва Олимпия. Сўнгги вариант энг кўп овоз тўплади. Шундан буён «Лацио» уй учрашувлари арафасида стадион узра Олимпия парвоз қилади.
Баъзан «Лацио» қушни «Бенфика»дан ижарага олган. Баъзида эса ўз Олимпиясини тайёрлаган. Лотито кўп марта қушнинг аҳволи ёмонлиги ҳақидаги гап-сўзлар туфайли Италия ОАВ танқидига йўлиққан. 2019 йили функционер уларга шундай жавоб берганди: «Клуб ихтиёрида иккита қуш бор. Уларни парваришлаш ва қулай шароит яратиш мақсадида алоҳида ходимларни ишга олганман. Биз ветеринария клиникасидаги текширув натижалари бўйича сертификатни кўрсатишимиз мумкин - қушларни йилда икки марта Сардинияда текширувдан ўтказамиз. Шундай экан, журналистлар «уколи» бемаъни ва асосга эга эмас. Бургутлар «Лацио» ўйинлари пайти «Олимпико» стадиони узра мароқли парвоз қилишмоқда».
Ҳ.АТАВУЛЛАЕВ тайёрлади
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20