Олдин хабар берганимиздек, бугун Ўзбекистон миллий жамоаси Сречко Катанец қўл остидаги иккинчи учрашувини ўтказди. Амман шаҳрида ўтказилган мазкур назорат ўйинида кутилганидек Малайзия йирик ҳисобда доғда қолдирилди.

Айтиш жоизки, Иордания пойтахтида бўлиб ўтган мазкур учрашувда словениялик мутахассис яна янги номларни ҳам синовдан ўтказди. 
Бир сўз билан айтганда Ўзбекистон миллий жамоаси Катанец қўл остидаги 2-ўртоқлик баҳсида кучсиз рақиб устидан бўлса ҳам 1-ғалабасига эришди.

Навбатдаги ўртоқлик ўйини 12 октябрь куни айнан шу ерда мезбон Иорданияга қарши ўтказилади.

9 октябрь (шанба)
Халқаро ўртоқлик учрашуви.
Ўзбекистон – Малайзия - 5:1
Амман, Иордания.
Голлар: Достонбек Ҳамдамов 17, 29, Ҳусайн Норчаев 33, Иброҳимҳалил Йўлдошев 68, Азизбек Амонов 88 - Бадрол Бахтияр 45+1.
Ўзбекистон: Валижон Раҳимов, Рустамжон Ашурматов (Достон Турсунов, 71), Ҳусниддин Алиқулов, Фаррух Сайфиев (Иброҳимхалил Йўлдошев, 60), Дилшод Саитов, Отабек Шукуров (Акмал Мозговой, 60), Азиз Ғаниев, Жалолиддин Машарипов, Достонбек Ҳамдамов (Шаҳбоз Умаров, 71), Ҳусайн Норчаев (Азиз Амонов, 80) Элдор Шомуродов (Игорь Сергеев, 60).
Малайзия: Хаирул Фахми, Ризал Ғазали, Аидил Зафуан, Ирфон Закариё, Ориф Фадзилаҳ, Акрам Маҳинан, Кэнни Паллараж, Файсал Ҳалим, Бадрол Бахтияр, Абдуллаҳ Ҳакими (Сиёфиқ Аҳмад, 38) Луқмон Ҳаким.