Олдинроқ маълмум қилганимиздек, бугун Қаршининг «Насаф» клуби ОФК Кубогининг ярим финалида Гонконгнинг «Ли Ман» жамоасига қарши баҳс олиб борди. Айтиш жоизки, ҳар томонлама учтунликга эришган вакилларимиз қийинчилик билан бўлсада ғалаба қозонишди. Жамоалар ғолиб номини аниқлаш учун қўшимча бўлимларга мурожаат қилишди. Ва хайриятки, ўйиннинг 105+1-дақиқада Андрия Калудерович супер зарба йўллаб, қаршиликларга ғалаба келтирди.
Шу тариқа «Насаф» умумий ҳисобда 5 та гол урилган ОФК Кубоги ярим финалида қийин ғалабага эришиб, мусобақа финалига йўл олди.
Ҳал қилувчи ўйинда «Насаф» «Ал-Муҳаррақ» (Баҳрайн) ва «Ал-Кувайт» (Кувайт) жуфтлиги ғолиби билан тўқнаш келади. Мазкур баҳс ҳам 20 октябрь куни бўлиб ўтади. Финал учрашуви эса 5 ноябрь куни бўлиб ўтади.
ОФК Кубоги
1/2 финал баҳси
ОФК кубоги. Яримфинал.
«Насаф» - «Ли Ман» (Гонгконг) – 3:2
Қарши, 9 890 томошабин.
Ҳакам: Моуд Бонядифард (Эрон)
Голлар: Фернандо Ресио (ўз дар.) 4, Ҳусайн Норчаев 26, Андрия Калудерович 105 – Живанилтон 47, Хосе Анхель Мартин 65 пенальти.
«Насаф»: 1.Умиджон Эргашев, 4.Ҳусниддин Алиқулов (5.Ғолиб Ғайбуллаев, 57), 8.Дилшод Саитов (15.Жўрабек Маннонов, 102), 10.Баҳром Абдураҳимов (99.Андрия Калудерович, 78), 19.Ҳусайн Норчаев (7.Дониёр Нарзуллаев, 107), 20.Суҳроб Нуруллоев (50.Шоҳмалик Комилов, 103), 22.Акмал Мозговой, 34.Шерзод Насруллаев, 77.Ойбек Бозоров, 88.Марко Станоевич, 92.Умарбек Эшмуродов.
«Ли Ман» (Гонконг): 88.Юэн Ҳо Чун, 2.Фернандо Ресио, 3.Цуи Ванг Кит, 5.Ю Вай Лим, 10.Жонатан Акоста, 13.Диего Эли Морейра, 14.Хосе Анхель Мартин, 16.Нган Лок Фунг, 26.Вонг Чун Ҳо, 91.Живанилтон Феррейра Мартинс, 99.Ким Сон Йонг (11.Ченг Сиу Кван, 74).
***
ОФК кубоги яримфинали доирасидаги «Насаф» - «Ли Ман» (3:2) учрашувидан кейин Рўзиқул Бердиев журналистлар саволларига жавоб қайтарди.
«Бугунги ажойиб ғалаба ва финал билан барча мухлисларимизни табриклайман. Бу биз учун жуда муҳим эди. Ўйиндан олдин йигитларга рақибни ўйини бизга боғлиқ эканини айтгандим. Биринчи бўлимда уларга имконият бермадик ва ишончли ҳисобда ғалаба қозонаётгандик. Иккинчи бўлимда эса хатоларимиз туфайли уларда имконият пайдо бўлди ва ундан фойдаланишди. Кеча ҳам айтгандим, бу рақиб осон рақиб эмас. Уларни ҳурмат қилиш шарт.
Ҳусниддин Алиқуловнинг жароҳати? Ҳозиргина айтишди, Ҳусниддиннинг жароҳати жиддий, унинг суяги синган. У жароҳати сабабли сафдан чиқди. Энди унинг ўрнини ким билан тўлдиришни ўйлашимиз керак. Жамоамизда бугун хатолар кўп бўлди, аммо персонал хатолар ҳақида гапирмоқчи эмасман.
Қанот ҳимоячилари иккинчи бўлимда кам ҳужумга ўтишди? Йўқ, бу кўрсатма эмас. Рақиб танаффусгача услубимизни ўрганиб олгач, зоналарни ёпишга ва ҳужумкор ўйинчиларимизга кўпроқ эътибор қаратди.
*Шу боис Абдураимов ва Станоевич ўйинни кўпроқ ўзларига олишга интилишди.
Финалда кимни кутаман? «Ал Муҳаррақ» - «Кувайт СК» ўйинини ҳозир бориб томоша қиламиз. Очиғини айтсам, бунгача Кувайт клубини кўпроқ кузатгандик. Бу клуб турнирга катта эътибор қаратган, таркибида номдор ўйинчилар бор. Сардор Рашидов бу ўйинда бўладими ёки йўқ, барибир жамоа таркибида кучли ижрочилар талайгина. Финалга қайси жамоа чиқса, ўшанга қарши яхши тайёргарлик кўришига интиламиз», - дея «Насаф» бош мураббийи сўзларини келтирмоқда Tribuna.uz мухбири.
***
Учрашувдан кейин Меҳмонлар устози Чан Минг ҳам журналистлар саволларига жавоб қайтарди.
«Ўйин қизиқарли кечди. Биз оғир учрашувга тайёр эдик. «Насаф»ни ҳақли ғалаба билан табриклайман. Бугун кўпчилик ҳисоб йирик кўриниш олишини кутгандир, аммо биз иккинчи бўлимда ўйинга қайта олдик. Бугун биз тартибли ўйнашимиз ва вазиятдан фойдаланишимиз керак эди. Аммо рақиб сафида маҳорат жиҳатдан устун бўлган футболчилар борлиги уларга ғалабани тақдим этди. Рақиблар биздан техник жиҳатдан устун.
Айтайлик, бугунги баҳс бир эмас, икки ўйиндан иборат бўлганида бизда имконият бўлиши мумкин эди. Умид қиламанки, ташкилотчилар турнирнинг яримфинал баҳсларини кейинчалик икки ўйиндан иборат баҳсга айлантиришади. Ўшанда икки жамоада ҳам тенг имкониятлар юзага келиши мумкин.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20