Португалиялик ҳужумчи Криштиану Роналду Чемпионлар лигаси гуруҳ босқичининг 3-туридан ўрин олган «Аталанта»га қарши ўйиндаги «МЮ»нинг ғалабасига ҳиссий муносабат билдирди. Учрашув Манчестер шаҳридаги «Олд Траффорд» стадионида бўлиб ўтди ва 3:2 ҳисобида мезбонларнинг ғалабаси билан якунланди. Роналду эса ғалаба тўпини киритди.

«Ҳа! Орзулар театри ёнмоқда! Биз тирикмиз! Бирлашганимизда, биз ҳеч қачон таслим бўлмаймиз! Бу - Олд Траффорд!» - деб ёзди Роналду Инстаграм саҳифасида.

Эслатиб ўтамиз, «МЮ» ЕЧЛдаги навбатдаги ўйинини 2 ноябрь куни сафарда «Аталанта»га қарши ўтказади.

Шунингдек, «Аталанта» ушбу турнирда Роналдудан гол ўтказиб юборган 38-жамоа бўлди ва бу борада Криштиану яна Чемпионлар лигасининг мутлақ рекордчисига айланди.

Эслатиб ўтамиз, 19 октябрь куни Месси «ПСЖ» сафида «Лейпциг» дарвозасини ишғол қилиб, португалияликка бу борада етиб олган эди.
***Роналду фаолияти давомида 190-марта ғалаба голига муаллифлик қилди — мутлақ рекорд;

***Роналду Чемпионлар Лигасида 38 хил жамоага гол урди — рекорд янгиланди; Кеча Месси 37-жамоага гол уриб, рекорд қўйганди;

***Роналду фаолиятида 140-марта боши билан гол урди;