Англиянинг «Лестер» жамоасини чемпионга айлантирган Клаудио Раньери ўзидан кейин «Раньери эртаги» деган номни қолдирган эди. Бугун ушбу ибора қайта туғилгандек гўё.

Англия премьер лигасининг 9-туридан ўрин олган «Эвертон» ва «Уотфорд» ўртасидаги шиддатли ўйин ҳозиргина якунига етди. Бу ўйин бошқа вақт бўлганда унчалик аҳамиятга арзимас эди, аммо...

Клаудио Раньери 2021 йил 4 октябр куни айнан «Уотфорд» жамоасида бош мураббий сифатида иш бошлади. ФИФА кунларидан кейин унинг илк ўйини ўз уйида «Ливерпул»га қарши кечди ва жавобсиз 5 та гол билан мағлуб бўлди. Бу Раньерининг «Уотфорд»даги илк ўйини ва мағлубияти эди.

Аслида «Уотфорд» мусобақада аутсайдерлар қаторига яқин жойда бораётганди. Яъни уларнинг ўйини, натижаси у қадар ҳам қизиқарли эмас, балки уларга рақиб бўлган жамоаларнинг натижаларини турнир жадвалида кузатиш қизиқарлироқ эди.

Жошуа Кинг ўйинда хет-трик қайд этди

Масалан, бугунги «Эвертон»га қарши ўйинда ҳам. Мазкур ўйинда кўпчилик Раньерини эсига ҳам олмади, аксинча мерсисайдликларнинг натижасини кутиб, мусобақа жадвалида нечанчи ўринга кўтарилиб олишини ҳисоблаш билан овора эди. Агар ғалаба қозонса, бир кунга бўлса-да, кучли тўртликка кирарди.

Аммо янги «Уотфорд» ва янги Раньери бунга йўл қўймади. Улар нафақат ажойиб камбек қилишди, балки ҳисобни йирик кўринишга-да олиб келишди. Яъни клуб ва Раньери АПЛга қайтганини ҳаммага эслатиб қўйди.

***

АПЛ

9-тур баҳслари, 23 октябрь, шанба

Голлар: 1:0 – 8 Маунт, 2:0 – 18 Ҳадсон-Одои, 3:0 – 42 Жеймс, 4:0 – 57 Чилуэлл, 5:0 – 62, автогол Ааронс, 6:0 – 85, пенальти Маунт, 7:0 – 90+1 Маунт.

«Челси» – Менди, Жеймс, Тиаго Сильва, Рюдигер, Чалоба, Чилуэлл, Ковачич, Жоржиньо (Лофтус-Чик, 64), Маунт, Ҳаверц (Баркли, 70), Ҳадсон-Одои (Зиеш, 70).

«Норвич» – Крул, Ааронс, Ҳенли, Гибсон, Кабак, Яннулис (Уильямс, 46), Маклин, Ле-Мелу (Рашица, 46), Норманн, Пукки, Саржент (Омобамиделе, 69).

Огоҳлантиришлар: Ле-Мелу (45), Гибсон (55), Норманн (83).

Четлатишлар: Гибсон (65).

Голлар: 0:1 – 13 Гундўған, 0:2 – 28 Фоден, 0:3 – 31 Фоден, 1:3 – 81, пенальти Мак Аллистер, 1:4 – 90+5 Маҳрез

«Брайтон» – Санчес, Данк, Берн (Лэмпти, 57), Велтман, Кукурелья, Марч, Лаллана, Гросс (Мак Аллистер, 72), Модер, Троссард, Мопе (Мвепу, 58).

«Манчестер Сити» – Эдерсон, Уокер, Ляпорт, Рубен Диаш, Жоау Канселу, Гундўған (Фернандиньо, 75), Бернарду Сильва, Родри, Грилиш (де Брюйне, 77), Фоден, Габриэль Жезус.

Огоҳлантиришлар: Уокер (22), Жоау Канселу (60), Модер (63), Лаллана (70), Эдерсон (84).

Голлар: 1:0 – 3 Дэвис, 1:1 – 13 Кинг, 2:1 – 63 Ришарлисон, 2:2 – 78 Куска, 2:3 – 80 Кинг, 2:4 – 86 Кинг, 2:5 – 90 Деннис.

Голлар: 1:0 – 56 Бентеке, 1:1 – 65 Уилсон.

Голлар: 0:1 – 10 Хван Хи Чхан, 1:1 – 90, пенальти Родриго.

Голлар: 0:1 – 13 Корне, 1:1 – 41 Ливраменто, 2:1 – 50 Броя, 2:2 – 57 Корне.