Европада давом этаётган ЖЧ-2022 саралашининг гуруҳ босқичи доирасидаги 8та ўйиндан сўнг Россия ва Хорватия термалари биринчи ўринга асосий даъвогарлар бўлиб туришибди. Gol.ru тайёрлаган материал шу мавзуга бағишланади.
Эслатиб ўтамиз:
*** Россияда 19, Хорватияда 17 очко мавжуд. Жамоаларнинг яна иккитадан ўйини қолган.
*** 9-ўйинлар: Россия - Кипр, Мальта - Хорватия.
*** 10-ўйин (ҳал қилувчи бўлиши кутилмоқда): Хорватия - Россия.
Эҳтимоли юқори сценарий - Сплитда ўтадиган ўйингача 2 очколик фарқ сақланиб қолади. Шунда Россия термасини дуранг ҳам қаноатлантиради, Хорватияга эса фақат ғалаба керак бўлади.
Мазкур ҳолатда хорватларнинг сўнгги турда тўғридан-тўғри рақибга қарши баҳсда майдонга тушиб, вазифани қандай уддалашгани қизиқ. Шундай вазиятлар тўрт марта кузатилган:
*** Биринчиси - ўхшамаган. Евро-2000 саралашининг сўнгги тури арафасида Югославия - 16, Ирландия - 15, Хорватия - 14 очкога эга эди. Хорватия ва Югославия термалари ўртасидаги учрашув принципиал аҳамият касб этарди. Фақат ғалаба керак, шунда камида «плей-офф»да қатнашиш имконияти сақланиб қолади. Ирландлар кутилмаганда очко йўқотишди, натижада, эҳтимолли ғалаба хорватларга Евро йўлланмасини тақдим этиши ойдинлашди. Аммо муҳим баҳс 2:2 ҳисобида якунланди. Хорватия учинчи ўринни эгаллаб, ҳеч вақосиз қолди.
*** Иккинчиси - муваффақиятли. Орадан икки йил ўтиб, ЖЧ-2002 саралаши сўнгги тури арафасида Хорватия Бельгиядан икки очкога ортда қолган ҳолда 2-ўринни эгаллаб турганди. Ғалаба мундиал чиптасини кафолатларди. Хорватлар 1:0 ҳисобида зафар қучиб, жаҳон чемпионатига чиқишган.
*** Учинчиси - яна муваффақиятли. ЖЧ-2018 саралаши сўнгги тури арафасида Хорватия ва Украина термалари ўтиш ўйинида қатнашиш учун тенг очкога эга бўлиб туришганди. Хорватлар меҳмонда ўйнашларига қарамай, украинларни енгишди - 2:0. Кейин «плей-офф»да ҳам зафар қучиб, ЖЧ йўлланмасини қўлга киритишди. Мундиалда эса жамоанинг финалгача етиб борганидан хабарингиз бор.
*** Тўртинчиси - яна муваффақият. Евро-2020 саралашида Хорватия ўзининг сўнгги ўйинини Словакияга қарши ўтказди. Иродали ғалаба (3:1) ва қитъанинг бош турнирига тўғридан-тўғри йўлланма.
Қизиғи, Хорватия қаторасига учинчи марта нуфузли турнирдаги иштирок масаласини сўнгги турда айнан принципиал рақибига қарши ўтказмоқда - ҳам ЖЧ-2018да, ҳам Евро-2020да, энди эса, эҳтимол, ЖЧ-2022да ҳам. Ва буни ўтган мундиалда кумуш медалларни қўлга киритган авлод вакиллари амалга оширишади.
Россия термасининг асосий рақобатчиларига қарши сўнгги турлардаги ўйинлари:
*** ЖЧ-1994 саралаши: руслар йўлланма масаласини ҳал қилишган, лекин биринчи ўрин учун кечган баҳсда Грецияга 0:1 ҳисобида имкониятни бой беришган.
*** ЖЧ-1998 саралаши: Болгарияга қарши кечган икки ўйин билан якунланган, дастлабки ўйиндаги мағлубиятдан кейин иккинчи учрашув натижаси аҳамиятини йўқотган.
*** Евро-2000 саралаши: Украина термасини енга олмагач, ўтиш ўйинида қатнашиш имконияти ҳам бой берилган.
*** ЖЧ-2006 саралаши: Словакия билан меҳмондаги ўйинда ғалаба керак эди, аммо 0:0 ҳисобидаги дурангдан кейин яна мундиалдан четда қолишди.
Россия термаси тарихида фақат битта позитив мисол бор - ЖЧ-2002 саралашида руслар сўнгги турда Швейцарияни 4:0 ҳисобида мағлубиятга учратишган, лекин бу жамоа тўғридан-тўғри рақобатчи ҳисобланмаганди.
А.АБДУВАЛИХЎЖАЕВ тайёрлади
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20