Италия миллий жамоаси сафида тўпиғидан жароҳатланган «Лацио» сардори ва тўпурари Чиро Иммобиле «А» серия 13-туридан ўрин олган «Ювентус»га қарши учрашувда майдонга тушгани йўқ. Оқибатда «бургутлар» ўз майдонларида ўйнаган бўлсаларда, голеадорсиз анча қийналишди ва 0:2 ҳисобида енгилишди. Иммобиле эса бу вақтда ўзини янги «амплуа»да синаб кўрди. Яъни хайрия ўйинларидан бирида бош ҳакам ролини бажариб, дебютини 2та пенальти билан безади.
Чиро янги ролда ҳам чакки эмас. Аввалги дам олиш куни «Лацио»га тегишли ўқув-машғулотлар базасида Ватикан ишчилари ва ромалар халқаро ташкилоти (этник лўлилар ҳуқуқларини ҳимоя қилувчи энг йирик уюшмалардан бири) терма жамоалари ўртасида хайрия ўйини ташкиллаштирилди. Бу учрашувга Иммобиле ҳам таклиф этилди, фақат у майдонга футболчи эмас, балки бош ҳакам сифатида тушди. Италия футболининг охирги йиллардаги бош голеадори рефери либосида - бу ҳам хайрия ўйинига қўшимча кўрк бағишлагани турган гап. «Ажойиб ва ҳайратланарли тажриба. Рим папаси томонидан ташкиллаштирилган ушбу тадбирда қатнашганимдан жуда хурсандман», - деди Чиро 7:7 ҳисобида якунланган ўйиндан сўнг.
Рефери-Иммобиле янги ролдаги дебютида ҳар икки жамоа дарвозаси томон 1тадан пенальти белгилади. Ҳа, Чиро олдида футболчилик фаолиятидан сўнг қўшимча вариант бор. Эҳтимол, у ҳакамлик билан профессионал тарзда шуғулланиш ҳақида ўйлаб кўрар ҳали...
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20