Диққат қилинг, Нидерландия қиролининг шахсан ўзи «Фейеноорд» мухлисларини Прагага элтиб қўйди. У йўловчи самолёти штурвалини қўлга олиб, Чехияга парвозни амалга оширди. Ваҳоланки, қирол Роттердам жамоаси эмас, «Аякс» мухлиси ҳисобланади.
«Фейеноорд» мухлислари аввалги чоршанба куни Прагага йўл олишди - ЕЛ гуруҳ босқичи 5-тури доирасида маҳаллий «Славия»га қарши ўйин-ни бевосита стадионда кўриш учун. Улар жойлашган самолёт учувчиларидан бири ...Нидерландия қироли Виллем-Александр эди. Қойил-ей! У иккинчи учувчи сифатида самолёт штурвалини қўлга олди. Эътиборли томони, қирол аслида «Аякс»га мухлислик қилади. «Фейеноорд» эса - Амстердам клубининг Эредивизиондаги асосий рақибларидан бири. Қирол шу фактга қарамай, роттердамлик фанатларга марҳамат кўрсатди. Мухлислар энди Виллем-Александр «Фейеноорд»ни ҳам ёқтириб қолишини таъкидлашмоқда. «Унинг турмуш ўртоғи ҳам бизга бефарқ эмас. Мароқли парвоз учун катта раҳмат, иккинчи учувчи!»- Роттердам клубининг «Твиттер»даги расмий саҳифасида миннатдорчилик баробарида қиролнинг кабинадан олинган сурати берилди.
Аслида Виллем-Александр 20 йилдан буён самолёт учувчиси сифатида парвозларни амалга ошириб келади. Лекин олдин ҳеч қачон бу иши ошкор қилинмаганди. Унда тижорат учувчиси лицензияси бор. Айтиш жоиз, рулни қўлга олган қирол ўзини таништиргани йўқ, чунки бу иккинчи учувчи учун мажбурий қоида эмас. «Парвознинг энг муҳим жиҳати шуки, капитан ёки экипаж номидан йўловчиларни самимий қутлаш имкони бор. Бунда ўзимни таништиришим шарт эмас», - деди Нидерландия қироли. Айтишларича, Виллем-Александр учувчилик маҳоратини йўқотмаслик учун ойига камида 2 марта парвозга чиқади. У одатда Британия, Германия, Норвегия ва Европанинг бошқа мамлакатларига борувчи ишбилармон саёҳатчиларга хизмат кўрсатади. Масалан, қирол бундан олдин Нидерландия делегацияси билан Исроилга парвоз қилган самолётни бошқарган эди.
Виллем-Александр Нидерландия Қироллиги тахтига 2013 йили ўтирган. Ўшанда онаси Беатрикс тахтдан воз кечганди. Қирол ҳозир 54 ёшда.
Р.ИБРОҲИМОВ тайёрлади
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20