Хорватияда футболчи пенальтини амалга ошириш учун «нуқта»га оҳиста қадам ташлаб борди ва озгина тин олиб, тўпга зарба берди. Ҳакам эса буни ортиқча олифталик сифатида баҳолаб, уни майдондан четлаштирди. Ушбу воқелик Загреб «Динамо»си ва «Истра» ўртасидаги ўйинда юз берди. Умуман, Загреб жамоаси 2:0 ҳисобида ғалаба қозонган баҳсда асосий томоша 80-дақиқадан кейин бошланди. Якунда жамоалар ўйинни 9 ва 10 нафар футболчи билан якунлади. Қуйида айни шу қизиқарли сюжетларга алоҳида тўхталдик...
Аввалига «Динамо» ҳимоячиси Кевин Теофиль-Катрин қизил карточка олган бўлса, 88-дақиқада «Истра» дарвозабони Иван Лучич майдондан четлатилди ва жамоалар таркиби ўртасидаги баланс тикланди. Ҳакам иккинчи ҳолатда дарвозабонга «қизил» кўрсатиш баробарида пенальти ҳам белгилади. 11 метрли жарима зарбасини эса Бруно Петкович амалга оширди. Фақат сал бошқачароқ йўсинда: ҳужумчи «нуқта»га яқинлашишда югуриш ўрнига пиёда юрди, кейин бир тин олиб, олифталарча зарба йўллади. Ҳакам эса бу ҳаракатни рақибга ҳурматсизлик ва қўрслик сифатида баҳолаб, Петковичга дарҳол сариқ карточка берди. Хорватия терма жамоаси ҳужумчиси олдинроқ ҳам огоҳлантирилганди ва унинг майдондан эртароқ чиқиб кетишига тўғри келди. Табиийки, гол ҳам бекор қилинди.
Петкович барчасини енгил табассум билан қабул қилди. Ҳакам афтидан, бу вазиятда замонавий қоидалар асосида иш кўрди. Чунончи, IFAB қоидаларининг 14.2-бандида дарвозабонлар сохта ҳаракатлардан ҳимояланган: «Агар футболчи югуриш масофасидан кейин тўхтаб, алдамчи ҳаракатни амалга оширса (югуриш пайтида мумкин), гол ургани ёки урмаганидан қатъий назар, ўйин тўхтатилади ва эркин зарба белгиланади. Ҳакам шунингдек, пенальти тепган футболчини огоҳлантиради». Хуллас, «Динамо» ўйинни 9 нафар футболчи билан якунлади, шунга қарамай, иккинчи голни уришга муваффақ бўлди, барибир. 90}8-дақиқада Стефан Ристовски 3 очко масаласига тўлақонли ойдинлик киритди - 2:0. Энди «Динамо» турнир жадвалида «Риека» билан 2-ўринни бўлишиб турибди. Пешқадам «Осиек» 2 очко олдинда, аммо Загреб жамоаси захирасида 1та ўйин бор.
Петкович - Хорватия чемпионатининг ўтган мавсумдаги энг яхши футболчиси. 27 ёшли ҳужумчи фаолияти давомида асосан «А» серияда «Болонья» ва «Верона» каби клублар сафида тўп сургани билан танилган.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20