Сизга яхши маълумки, кеча оқшомда  Италия "А" сериясида 20-турнинг 6 та учрашуви ўтказилди. Жумладан, «Милан» ўз майдонида «Рома» устидан ғалаба қозонди.
Жиру, Мессиас ва Леаунинг голларига Абраҳам бир бор жавоб берди. Элдор Шомуродов 76-дақиқада захирадан ўйинга қўшилди.   Римликлар бош мураббийи, "беназир" Жозе Моуриньо мазкур ўйиндан сўнг ўз ушбу ўйин хусусидаги таассуротлари билан ўртоқлашди: 

- Ҳатто 2:0 ҳисобида мағлуб бўлаётганимизда ҳам ўйинда эдик, аммо футболчимиз четлатилгач ҳаммаси - очко олиш умидимиз тугади. Тан олиш керак, дастлабки икки гол оддий вазияларда тўп йўқотганимизда киритилди. Бугун менга ҳакамнинг иши ҳам, жамоамнинг ўйини ҳам ёқмади. 

VARнинг иши ҳам сифатсиз эди, зеро Абраҳам қўл билан ҳаракат қилганин кўрдим, лекин бу тўпни тўхтатишга уриниш эмасди. Агар бундай вазиятга жарима белгиласангиз, Дзаньоло ва Ибаньесга нисбатан ишлатилган қўполликларда ҳам пенальти бериш керак эди. Ёки 3та пенальти белгиланг ёки ҳеч кимга берманг.

Бунинг устига ҳакам ҳам характер кўрсата олмади. VAR нима қилаётганини тушунмадим. Лекин энг яхши ўйинимизни кўрсатдик деб ҳам айта олмайман. Бизда ўртача таркиб бор, шунинг учун жадвал ўртасидамиз. Бугун кўп хатоларга йўл қўйдик ва гап тактикада эмас, индивидуал хатоларда эди. Ёмон натижа, очко ололмадик. Аммо интервью тугагач, «Ювентус» билан ўйинга руҳий жиҳатдан тайёр бўламан. Қийин бўлади, лекин яхшиланишга ҳаракат қиламиз», — дея Моуриньонинг сўзларини келтиради DAZN.

Маълумот учун, беллашувни Даниэле Киффи бошчилигидаги ҳакамлар бригадаси бошқарди.

***
А Серия. 20-тур
ЮВЕНТУС — НАПОЛИ- 1:1
6 январь, «Альянц Стэдиум»
Голлар: Кьеза (54) — Мертенс (23).
Ювентус – Шченсни, Ругани, де Лигт, Алекс Сандро (Де Шильо, 75), Рабьо (Бентанкур, 66), Локателли, Маккенни, Куадрадо, Мората (Кен, 75), Бернардески (Дибала, 66), Кьеза (Кулусевски, 81). 
Наполи – Оспина, Ди Лоренцо, Жезус, Рраҳмани, Ғулом, Демме, Лоботка (Заноли, 90+2), Зелиньски, Мертенс (Петанья, 89), Инсинье, Политано (Элмаз, 76).
Огоҳлантиришлар: Алекс Сандро (44), Демме (87).

МИЛАН — РОМА- 3:1
Голлар: Жиру (8, пенальти), Мессиас (17), Леау (82) — Абраҳам (40). 
Амалга оширилмаган пенальти: Ибраҳимович (90+4).
Милан – Меньян, Флоренци (Конти, 78), Габбия, Калулу, Эрнандес, Крунич (Бакайоко, 64), Салемакерс (Леау, 64), Тонали, Жиру (Ибраҳимович, 77), Браим Диас (Мальдини, 88), Жуниор Мессиас. 
Рома – Патрисиу, Карсдорп, Смоллинг, Манчини, Рожер, Винья (Кристанте, 71), Мхитарян, Верету (Афена-Гьян, 71), Пеллегрини (Эль-Шаарави, 71), Дзаньоло (Карлес Перес, 85), Абраҳам (Шомуродов, 76).
Четлатишлар: Карсдорп (74), Манчини (90+3). 

САССУОЛО — ЖЕНОА- 1:1
Голлар: Берарди (55) — Дестро (7).
Сассуоло – Консильи, Толян, Кирикеш, Феррари, Рожерио, Кирьякопулос (Мюльдюр, 84), Лопес, Ҳарруи, Дефрель (Самеле, 88), Берарди, Распадори. 
Женоа – Сиригу, Ҳефти (Фарес, 64), Бани, Ванхойсден, Васкес, Камбьязо, Бадель, Эрнани (Мелегони, 64), Портанова (Кассата, 84), Дестро (Пандев, 75), Экубан (Кайседо, 84).

САМПДОРИЯ - КАЛЬЯРИ-1:2 (1:0)

ЛАЦИО - ЭМПОЛИ- 3:3 (1:2)

СПЕЦИЯ - ВЕРОНА- 1:2 (0:0)
***
Аталанта - Торино, Болонья - Интер, Салернитана - Венеция, Фиорентина - Удинезе  ўйинлари пандемия (СOVID) туфайли номаълум муддатга қолдирилди.
***