Янги мавсумга тайёргарликни Туркиянинг Анталия шаҳрида олиб бораётган “Навбаҳор” бугун мазкур ўқув-машғулот йиғини доирасидаги иккинчи назорат-синов баҳсини ўтказди. Бу сафар жамоамизга Польшанинг “Ракув” клуби рақиб бўлди. Мазкур жамоа ўтган мавсумда Польша чемпионатида вице-чемпион бўлган, шунингдек, Польша кубогини қўлга киритган.
Айни пайтда эса “Ракув” Польша миллий чемпионатида 3-ўринда бормоқда. Қисқаси, “лочинлар”га бугун Польшанинг кучли клубларидан бири рақиб бўлди.
Ушбу ўйинда жамоамиз таркибида қуйидаги футболчилар майдонга тушишди: Раҳимжон Давронов, Давронбек Ҳошимов, Игорь Голбан, Боян Цигер, Станислав Андреев, Йован Жокич, Жамшид Болтабоев, Нурилло Тўхтасинов, Жамшид Искандеров, Элгужа Григалашвили, Андрей Сидоров.
Захирадан майдонга тушганлар: Исломжон Абдуллахонов, Хуршидбек Мухторов, Шерзод Ғуломжонов, Мирзоҳид Мирзамаҳмудов, Аббосжон Ғуломов, Ислом Кенжабоев, Эҳсони Паншанбе, Абдулҳай Исмоилов, Шоҳруҳ Маҳмудҳожиев, Иброҳим Ғанихонов, Сардор Теляков.
Мазкур баҳсда польшаликлар йирик – 3:0 ҳисобида ғалаба қозонишди. Айтиш лозимки, жамоалар танаффусга 1:0 ҳисобида чиқиб кетишганди.
“Навбаҳор” устози Самвел Бабаян ушбу ўйиннинг 2-бўлимида ёш футболчиларни ҳам майдонга тушириб, уларни синовдагн ўтказди.
Ўз навбатида таъкидлаш жоизки, ўртоқлик ўйинларида натижа муҳим эмас, балки, асосий мақсад, футболчиларнингн ўйин амалиётларини йўқотмасликларини таъминлаш. Европа клубларига қарши кечадиган ўртоқлик учрашувлари орқали эса футболчилар ўз маҳоратларини анча ошириб олишади.
Эслатиб ўтамиз, “лочинлар” Туркиядаги илк назорат баҳсини Венгриянинг “Спартакус Ньиредьхаза” жамоасига қарши ўтказиб, 0:0 ҳисобида дуранг ўйнашганди.
Жамоамиз Туркиядаги йиғинни эртага якунлаб, юртимизга қайтиб келади.
“Навбаҳор” ПФК матбуот хизмати.
Манба: pfcnavbahor.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20