Қайднома

Қидирув

Барча легионерларимиздан дараклар: Энг яхшиси - Иброҳимхалил, қолганлар эса...

Барча легионерларимиздан дараклар: Энг яхшиси - Иброҳимхалил, қолганлар эса...

  01.03.2022 04:40
  0
  470
Барча легионерларимиздан дараклар: Энг яхшиси - Иброҳимхалил, қолганлар эса...

Саудия Арабистони. Мамлакат чемпионати элит лигаси 22-туридан ўрин олган «Ал-Наср» - «Абҳа» ўйини 2:1 ҳисобида якунланди. Эътиборли томони, мезбонлар ғалабани 90}7-дақиқадагина ўз томонларига оғдиришди. Ғалаба голига ўйиннинг 79-дақиқасида захирадан майдонга тушган Жалолиддин Машарипов ассистентлик қилганини алоҳида айтиш керак.

Россия. Ўтган ҳафта РПЛда баҳорги босқич бошланди. Ҳамюртимиз Иброҳимхалил Йўлдошев жамоа­си - «Нижний Новгород» ўз майдонида «Урал»ни пенальтидан урилган ягона гол эвазига доғда қолдирди. 18-дақиқада жароҳатланган Алексей Козлов ўрнига майдонга тушган ҳамюртимиз учрашув охиригача фаоллиги билан ажралиб турди. Якунда айнан Иброҳимхалил ўйиннинг энг яхши футболчиси сифатида эътироф этилди. «Уфа» ярим ҳимоячиси Остон Ўрунов эса «Ахмат»га қарши меҳмондаги ўйин (1:2)нинг 70-дақиқасида майдонга тушди.

Италия. Коронавирусдан фориғ бўлган «Рома» ҳужумчиси Элдор Шомуродов «А» серия 27-туридан ўрин олган «Специя»га қарши сафар ўйи­ни якунланишига 10 дақиқа қолганида сафга қўшилди. Римликлар якунда пенальтидан урилган гол эвазига ортга 3 очко билан қайтишди.

Қатар. «Ал-Сайлия» мамлакат чемпионати 20-турида «Қатар СК» билан куч синашиб, 1:1 ҳисобини қайд этди. Жамоанинг асосий таркибида майдонга тушган ярим ҳимоячи Достон Ҳамдамов 60-дақиқада захирага олинди.  

Эрон. Теҳроннинг «Истиқлол» клуби Эрон чемпионати 19-турида аутсайдерлардан бири «Фажр Сепаси»ни ягона гол эвазига мағлубиятга учратиб, турнир жадвалидаги пеш­қадамлик мавқени мустаҳкамлади. Жамоа сафига яқинда қўшилган Азиз Амонов бу баҳсда ҳам бошланғич таркибдан ўрин олди ва 60-дақиқагача фаол ҳаракатланди.

Молдова. ЕЛ 1|16 финали дастлабки ўйинини 2:0 ҳисобида ўз фойдасига ҳал қилган «Шериф» жавоб ўйинида омадсизликка учради - 0:2. Пенальтилар сериясида эса омад «Брага» клубига кулиб боқди - 3:2. «Шериф» вакили Жасур Яхшибоев Португалиядаги баҳснинг 111-дақиқасигача майдонда ҳаракатланди.  

БАА. Отабек Шукуров жамоаси - «Шаржа» «Президент кубоги» (мамлакат кубоги) финалига чиқди. Ҳамюртимиз тўлиқ вақт тўп сурган ярим финал жавоб ўйини 3:2 ҳисобида «Шаржа» фойдасига ҳал бўлди. Айтиш жоиз, Дубайда бўлган илк ўйинда ҳисоб очилмаганди. Хуллас, 90}2-дақиқада финал йўлланмасини ўз томонига оғдирган «Шаржа» энди ҳал қилувчи баҳсда «Ал-Ваҳда» билан куч синашади. БАА миллий чемпионатига келсак, шаржаликлар 17-тур ўйи­нида «Шабаб Ал-Аҳли»ни яна охирги лаҳзаларда урилган гол эвазига мағлубиятга учратди. Отабек бунисида ҳам тўлиқ вақт давомида тўп сурди, меҳмон жамоа вакили Азиз Ғаниев эса майдонда кўриниш бергани йўқ. 

Беларусь. БАТЭ ва «Энергетик-БГУ» ўртасидаги ўртоқлик учрашуви 2:2 ҳисобида якунланди. «Энергетик-БГУ» ҳужумчиси Бобур Абдухолиқов дастлабки дақиқалардан майдонда ҳаракатланган бўлса, БАТЭ ярим ҳимоячиси Шаҳбоз Умаров четда қолди. Кутилишича, у фаолиятини бошқа жамоада давом эттиради. Ҳар ҳолда, Борисов жамоаси раҳбарияти аввалги назорат ўйинида бош мураббий билан можарога борган ҳамюртимизни трансферга қў­йишни ўйламоқда.

Қозоғистон. «Қайрат» нав­батдаги назорат ўйинини «Рига»га қарши ўтказди. Қозоқ клубидаги легионеримиз Жасур Жалолиддинов 0:0 ҳисобида якунланган бу баҳсга 60-дақиқада захирадан қўшилди.


Манба: interfutbol.uz


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

Оммабоп мақолалар

Хабарингиз борми

Чемпионатлар

тўлиқ жадвал »
  • Миллий терма жамоанинг янги бош мураббийи Сречко Катанецнинг Ўзбекистондаги келажагига қандай баҳо берасиз?


«ИнтерФУТБОЛ» газетасининг расмий сайти.
Гувоҳнома № 0149. Берилган санаси: 25.06.2008 Муассис: «ИНТЕРФУТБОЛМЕДИА» МЧЖ.
Бош муҳаррир: Аҳадхон АБДУҲАМИТОВ.
Таҳририят манзили: 160400, Косонсой шаҳри,Чорбоғ кўчаси, 17-уй.
Электрон манзил: info@interfutbol.uz