Қайднома

Қидирув

ОФК клублар рейтинги: Ўзбекистон клубларининг ҳиссаси қандай?

ОФК клублар рейтинги: Ўзбекистон клубларининг ҳиссаси қандай?

  27.03.2022 12:02
  0
  302
ОФК клублар рейтинги:  Ўзбекистон клубларининг ҳиссаси қандай?

Ижтимоий тармоқларда ОФК клублар рейтинги ҳақида саволлар беришди. Масалан, ҳозирги натижаларда Ўзбекистон клубларининг ҳиссаси қандай? Ўзбекистон 2021 йил кўрсаткичларига кўра, 4-ўринга кўтарилиб олгани, ҳозир эса 2-ўринда бораётганидан келиб чиқсак, рейтинг қандай ҳисоб-китоб-ларга асосланади? Демак, мавсумлар бўйича мамлакатлар рейтинги қай тариқа тузилганига эътибор қаратамиз.

2018 йил

* «Пахтакор» «плей-офф»-да Қатарнинг «Ал-Гарафа» клубига ютқазиб, мавсумни ҳисобидаги 0,3 балл билан якунлади.

* «Насаф» ҳам «плей-офф»да ўйнади, лекин Иорданиянинг «Ал-Файсали» жамоасини мағлуб этиб, жамғармасига 0,6 балл қўшиб қўйди.

Умумий ҳисобда Ўзбекистон «плей-офф»дан кейин 0,9 балл тўплади.

Гуруҳ босқичида «Насаф» 10, «Локомотив» эса 7 очко йиғди. Умумий очколар иккига бўлинди ва 8,5 балл ҳосил бўлди. Натижада, Ўзбекистон ушбу мавсум учун 9,400 балл жамғарди. Клублар ҳиссаси қуйидагича бўлди:

«Пахтакор» - 0,300

«Насаф» - 5,600

«Локомотив» - 3,500

2019 йил

* «Пахтакор» иккита саралаш раундидан муваффақиятли ўтиб, 0,9 балл тўплади.

* АГМК ҳам икки раундда қатнашди, лекин ўйинларнинг биттасида ғолиб чиқди. Якун - 0,6 балл.

Умумий ҳисобда, Ўзбекистон дастлабки босқичда 1,5 балл тўплади. Гуруҳ босқичида «Пахтакор» 8, «Локомотив» бир йил аввалгидек яна 7 очко йиғди. Ўртача балл 7,5га тенг.

Натижада, Ўзбекистон мавсум учун 9,000 балл жамғарди:

«Пахтакор» - 4,900

«Локомотив» - 3,500

АГМК - 0,600

2020 йил

Бу йилги натижалар инобатга олинмади. Сабаб - пандемия туфайли мавсум тўлиқ ўтказилмади.

2021 йил

* АГМК яна «плей-офф»дан бошлаб, бу сафар гуруҳ босқичига чиқишни уддалади. Жами - 0,6 балл.

* Гуруҳда «Пахтакор» ва АГМК 7 очкодан тўплади. Ўртача балл ўз-ўзидан аён.

* «Насаф» эса баллар ҳисоб-китоб тизими мураккаброқ бўлган ОФК кубогида қатнашиб, финалгача етиб бориш эвазига 11,080 балл тўплади.

Айнан шу ерда ОФКнинг рейтинг тузишдаги ғалати тизими иш кўрсатди. 3та клуб жамғарган балларнинг ўртача сонини ҳисоблаш ўрнига, ОФКдагилар ОЧЛ ва ОФК кубогидаги ўртача балларни алоҳида ҳисоблашни маъқул кўришди. Натижада Ўзбекистонга 18,680 балл насиб қилди:

«Пахтакор» - 3,500

«Насаф» - 11,080

АГМК - 4,100

Клубларнинг 2021 йилги рейтингга қўшган умумий ҳиссаси эса қуйидагича:

«Пахтакор» - 8,700

«Насаф» - 16,680

«Локомотив» - 7,000

АГМК - 4,700

«Насаф»нинг ҳиссаси катта эканлигига сабаб - балларни ҳисоблашнинг нотўғри тизими. Бунда ОФК кубогидаги баллар Чемпионлар Лигасидаги ғалабадан аҳамиятлироқ бўлиб чиқмоқда. Нима ҳам дердик, реаллик шунақа.


Манба: interfutbol.uz


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

Оммабоп мақолалар

Хабарингиз борми

Чемпионатлар

тўлиқ жадвал »
  • Миллий терма жамоанинг янги бош мураббийи Сречко Катанецнинг Ўзбекистондаги келажагига қандай баҳо берасиз?


«ИнтерФУТБОЛ» газетасининг расмий сайти.
Гувоҳнома № 0149. Берилган санаси: 25.06.2008 Муассис: «ИНТЕРФУТБОЛМЕДИА» МЧЖ.
Бош муҳаррир: Аҳадхон АБДУҲАМИТОВ.
Таҳририят манзили: 160400, Косонсой шаҳри,Чорбоғ кўчаси, 17-уй.
Электрон манзил: info@interfutbol.uz