Беларуснинг «Энергетик-БГУ» клуби яна бир футболчимизни ўз сафига қўшиб олди. Гап «Бунёдкор» ярим ҳимоячиси Аббос Жумақулов ҳақида кетмоқда. У жорий мавсум охиригача Минск клубида ижара муддатини ўтайди.
Айтиш жоиз, шу билан «Энергетик» сафидаги легионерларимиз сони 4 нафарга етди. Хуллас, Аббос Жумақулов жамоада Бобур Абдухолиқов, Шоҳруҳ Абдураҳмонов ва Абдуқодир Ҳусанов қаторига қўшилди. 1999 йилнинг 1 июнь куни Қашқадарё вилоятида туғилган Аббос 2020 йилги мавсум «Бухоро» таркибида 6 марта майдонга тушган, кейин «Бунёдкор-2» сафига қўшилган. У янги клубида 16-рақам остида тўп суради.

Атганча, Россиялик футбол агенти Павел Нестеров Sport24 мухбирига берган интервьюсида Ўзбекистон чемпионатини алоҳида эътироф этди. «Хорижда ўйнашни истайдиган россиялик футболчилар учун Ўзбекистон чемпионати - яхши вариант. У ерда футбол даражадаси ошмоқда, янги юлдузлар бош кўтаришмоқда, маош ҳам чакки эмас. ОЧЛда иштирок этишни истайган Ўзбекистон клублари россиялик кучли футболчига бир ой учун 15-25 минг доллар тўлашга рози бўлса керак», - деди агент.