Қайднома

Қидирув

Кейруш Эрон терма жамоаси бош мураббийи лавозимида қолади

Кейруш Эрон терма жамоаси бош мураббийи лавозимида қолади

  10.01.2017 20:33
  0
  1343

Эрон футбол федерацияси президенти Меҳди Таж мамлакат терма жамоаси бош мураббийи Карлуш Кейрушнинг истеъфога чиқиш аризаси рад этилгани ва у ўз лавозимида қолишини маълум қилди.

Махсус ташкил этилган матбуот анжуманида Эрон футбол федерацияси раҳбари Карлуш Кейрушнинг мамлакат термасидаги муваффақиятлари, хусусан, Осиё мамлакатлари ўртасида Эрон бир неча йилдан буён ФИФА рейтингида етакчилик қилаётгани таъкидлади. Бундан ташқари,  Меҳди Таж Осиё Чемпионлар Лигаси мусобақасида Эрон клублари учун 4 та квотани сақлаб қолиш муҳим эканини айтди.

Матбуот анжумани давомида Эрон футбол федерацияси раҳбари терма жамоа ва клублар ўртасидаги муаммолар амалдаги регламентга мувофиқ ўзаро ҳурмат орқали бартараф этилиши кераклигини таъкидлади.  

Эслатиб ўтамиз, 63 ёшли мутахассис 8 январь куни Эрон футбол федерацияси билан юзага келган ўзаро зиддият ва келишмовчиликлардан сўнг миллий терма жамоадан кетиш ҳақида ариза ёзганди.

Қайд этиш жоиз, Эрон ҳамда Ўзбекистон футбол федерацияларининг ўзаро келишувига кўра, ЖЧ–2018 турнирига саралашнинг учинчи босқичи 8-тури доирасидаги Эрон – Ўзбекистон учрашуви 2017 йилнинг 13 июнь кунидан 12 июнь санасига кўчирилган эди.

Маълумот учун, ЖЧ–2018 турнирига учинчи саралаш босқичи “А” гуруҳи 5-туридан кейин Эрон 11 очко билан пешқадамлик қилмоқда. Жанубий Корея 10 очко билан иккинчи, Ўзбекистон 9 очко билан учинчи ўринда бормоқда.

Манба: the-uff.com



InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

Оммабоп мақолалар

Хабарингиз борми

Чемпионатлар

тўлиқ жадвал »
  • Миллий терма жамоанинг янги бош мураббийи Сречко Катанецнинг Ўзбекистондаги келажагига қандай баҳо берасиз?


«ИнтерФУТБОЛ» газетасининг расмий сайти.
Гувоҳнома № 0149. Берилган санаси: 25.06.2008 Муассис: «ИНТЕРФУТБОЛМЕДИА» МЧЖ.
Бош муҳаррир: Аҳадхон АБДУҲАМИТОВ.
Таҳририят манзили: 160400, Косонсой шаҳри,Чорбоғ кўчаси, 17-уй.
Электрон манзил: info@interfutbol.uz