Бугун куннинг иккинчи ярмида Тошкентдаги “Ўзбекистон” меҳмонхонасида тўпланган жамоамиз мавсумга тайёргарликнинг навбатдаги босқичини бошлайди. Айни пайтда Қибрайда бошланган машғулотда бир неча кун олдин “Навбаҳор” аъзосига айланган сербиялик ҳужумчи Неманья Йованович ҳам иштирок этмоқда.

Шунингдек, ўтган мавсум иккинчи ярмини “Олмалиқ”да ўтказиб, жамоамизнинг декабрь ойидаги йиғинида қатнашган дарвозабон Акмал Ортиқов ҳам сафга қўшилди. Шу кунларда жамоа ихтиёрига янги ўйинчиларни етиб келиши кутилмоқда. Шу ўринда жамоамизда янги шифокор иш бошлаганлигини ҳам қўшимча қилиш жоиз. Олдинги йилларда Бекободнинг “Металлург” клубида иш юритган Бахтиёр Мирсагатов эндиликда “Навбаҳор”да фаолият олиб боради.
Навбатдаги босқич давомида учта назорат учрашувини ўтказиш режалаштирилган. Эртага “Қўқон-1912” жамоаси футболчиларимизга рақиблик қилади. Мазкур учрашув 18 январь куни соат 15.00да “Оқ-тепа” клубига қарашли ўйингоҳ майдонида бўлиб ўтади. Навбатдаги учрашувлар эса “Металлург” (21 январь) ва “Бухоро” (26 январь) жамоаларига қарши бўлиб ўтади.

Манба:  www.pfcnavbahor.uz