Ҳужумчи Криштиану Роналду жорий мавсумда илк маротаба «Реал» бош мураббийи Зинедин Зидан томонидан Испания кубоги учун ўйинга таклиф олди. Бу ҳақда «Қироллик клуби» матбуот хизмати хабар қилмоқда. 18 январь куни «қаймоқранглилар» ўз майдонида мусобақа чорак финалининг илк ўйинини «Сельта»га қарши ўтказади. 

Сўнгги маротаба Роналду Испания кубоги ўйинида 2015 йил 15 январда тўп сурган. Ўшанда, «Реал» «Атлетико»га қарши майдонга тушган. 2:2 ҳисобидаги дуранг натижа билан тугаган ўйинда португалиялик ҳужумчининг голи «қаймоқранглилар»ни мағлубиятдан сақлаб қолган эди. Аммо, биринчи ўйиндаги ғалаба сабабли, рақиб жамоа кейинги босқичга йўл олганди. 2015/16 йилги мавсумда «Реал» Испания кубогининг 1/16 босқичидаёқ, мусобақадан четлаштирилди. Бунга, «Кадис» билан ўтказилган ўйинда майдонга тушиш ҳуқуқи бўлмаган Денис Черишевнинг ўйнагани сабаб қилиб кўрсатилганди. 

Шундай қилиб, «Сельта» билан ўйинга: Навас, Касилья, Яньес, Рамос, Варан, Начо, Марсело, Данило, Кроос, Ковачич, Касемиро, Модрич, Иско, Асенсио, Роналду, Бензема, Васкес, Мариано, Мораталар чақирилган.

Даниэль Карвахаль дам олиш имконига эга бўлган, Пепе, Фабиу Коэнтрау, Гарет Бэйл ва Хамес Родригес жароҳатлардан даволанмоқда. 

Tribuna.uz