Англия Кубоги 4-босқичидан ўрин олган “Ливерпуль” ва “Вульверхэмптон” жамоалари ўртасидаги ўйин ўз ниҳоясига етди. Унда мерсисайдликлар 1:2 ҳисобида ютқазди ва мусобақа билан хайрлашди.

Учрашувнинг 1-дақиқасида Стирман ҳисобни очди. 41-дақиқага келиб Вайманн ҳисобни оширди ва жамоалар танаффусга “бўрилар”нинг 2:0 ҳисобидаги устунлиги билан чиқиб кетди.

Учрашув яунига етиб бораётганида, яъни, 86-дақиқаси Дивок Ориги бурчакдан узатилган тўпни рақиб дарвозасига киритди ва ҳисобни қисқартирди. Бироқ бу ўйиндаги сўнгги гол бўлди. Натижада Юрген Клопп шогирдлари яна бир мусобақадан чиқиб кетди.  

Англия Кубоги, 4-босқич

Ливерпуль – Вульверхэмптон 1:2

Голлар: 0:1 – 1 Стирман, 0:2 – 41 Вайманн, 1:2 – 86 Ориги.

Ливерпуль – Кариус, Гомес, Морено, Рэнделл (Коутиньо, 46), Клаван, Эджариа (Джан, 74), Лейва, Вейналдум, Фирмино (Старридж, 65), Вудберн, Ориги.

Вульверхэмптон – Бергойн, Хоз, Стирман, Доэрти, Элдер Кошта (Ронан, 67), Коуди, Эдвардс, Эванс, Сэвилл, Вайманн (Мэйсон, 77), Дико (Бедварссон, 71).

Огоҳлантиришлар: Стирман (29), Хоз (48), Вейналдум (51).

Манба: www.fut.uz