«Бавария» ўз майдонида «Шальке» билан ўйинда ғалаба қозониш йўлини тополмади - 1:1. Ваҳоланки, мезбонлар захирадан майдонга тушган ҳимоячи Филипп Ламни алоҳида табриклашга роса уринишди. Гап шундаки, мюнхенликлар сардори жамоа сафида 500-ўйинини ўтказди. У гвардиячилар рўйхатида 9-ўринни эгаллаб турибди. «Бавария» гвардиячилари: 1. Зепп Майер - 699та ўйин; 2. Оливер Кан - 632та; 3. Герд Мюллер - 605та; 4. Франц Беккенбауэр - 582та; 5. Георг Шварценбек - 554та; 6. Клаус Аугенталер - 545та; 7. Бернд Дюрнбергер - 505та; 8. Бастиан Швайнштайгер - 502та; 9. Филипп Лам - 500та.

«Бавария»нинг энг яқин таъқибчиси - «РБ Лейпциг» Дортмундда «Боруссия»га 0:1 ҳисобида имкониятни бой берди. Эътиборлиси, германиялик машҳур шарҳловчи Марсель Райф бу клубнинг чемпион бўлишини фантастикага тенглаштирмоқда. «Буқалар» «Бавария»дан ўзиб кетолмайдилар. Мабодо бу ишни уддалашса, Лейпциг марказида қип яланғоч сайр қиламан»,-деди шарҳловчи Sport1 канали орқали чиқишида. Ваҳоланки, Дортмундда Усмон Дембеленинг дриблинглари олдида роса қийналган «РБ Лейпциг» айни ҳолатда «Бавария»дан атиги 4 очко ортда қоляпти, холос.

3 февраль

ГАМБУРГ-БАЙЕР-1:0 (0:0)

Гамбург. 45653 томошабин.

Гол: Пападопулос (76).

Байер: Лено, Хенрихс, Та, Топрак, Венделл, Белараби (Брандт, 64), Арангис, Баумгартлингер (Кисслинг, 46), Кампль, Меҳмеди (Бэйли, 82), Фолланд.

4 февраль

БАВАРИЯ-ШАЛЬКЕ-1:1 (1:1)

Мюнхен. 75000 томошабин.

Голлар: Левандовски (9) - Налдо (13).

Бавария: Нойер, Рафинья (Лам, 77), Мартинес, Хуммельс, Бернат (Алаба, 77), Хаби Алонсо, Видаль, Роббен (Коман, 72), Мюллер, Дуглас Коста, Левандовски.

БОРУССИЯ М.-ФРАЙБУРГ-3:0 (0:0)

Менхенгладбах. 47194 томошабин.

Голлар:  Штиндль (73),

Раффаэль (78), Херманн (90}2).

Боруссия М.: Зоммер, Янчке, Кристенсен, Вестергор, Вендт, Хан (Жонсон, 65), Крамер, Доуд, Азар, Штиндль (Дрмич, 88), Раффаэль (Херрманн, 90).

ГЕРТА-ИНГОЛЬШТАДТ-1:0 (1:0)

Берлин. 33425 томошабин.

Гол: Харагути (1).

Герта: Ярстейн, Пекарик, Лангкамп, Брукс, Миттельштедт, Лустенбергер, Дарида, Харагути, Штокер (Шибер, 63), Калу (Эссвайн, 79), Ибишевич (Торунарига, 90).

КЁЛЬН-ВОЛЬФСБУРГ-1:0 (0:0)

Кёльн. 49400 томошабин.

Гол: Модест (81-пен.).

ХОФФЕНХАЙМ-МАЙНЦ-4:0 (1:0)

Зинсхайм. 26078 томошабин.

Голлар: Ут (5), Террацино (82),

Салаи (86, 90}1).

Хоффенхайм: Бауманн, Зюле, Фогт, Хюбнер (Бичакчич, 83), Руди, Кадержабек, Цубер, Демирбай, Амири, Ут (Террацино, 76), Крамарич (Салаи, 69).

БОРУССИЯ Д.-РБ ЛЕЙПЦИГ-1:0 (1:0)

Дортмунд. 81360 томошабин.

Гол: Обамеянг (35).

Боруссия Д.: Бюрки, Пишчек, Папастатопулос, Бартра, Вайгль, Дурм, Шмельцер (Пасслак, 85), Дембеле (Пулишич, 61), Геррейру (Гинтер, 77), Обамеянг, Ройс.

РБ Лейпциг: Гулачи, Бернардо, Орбан, Комппер, Хальстенберг, Ильзанкер, Хедира (Упамекано, 66), Кайзер (Паласиос-Мартинес, 80), Кейта, Поульсен, Зельке (Берк, 73).

5 февраль

Аугсбург-Вердер-3:2 (1:1)

Аугсбург.  26812 томошабин.

Голлар: Шмид (28), Ку Жа Чол (79), Бобадилья (90}4) - Гебре

Селасси (29), Крузе (65-пен.).

Айнтрахт-Дармштадт-2:0 (0:0)

Франкфурт. 26812 томошабин.

Голлар: Хасебе (74-пен.), Ребич (83).

Тўпурарлар:

Обамеянг (Боруссия Д.) - 17та

Левандовски (Бавария) - 15та

Модест (Кёльн) - 15та...

Келгуси ўйинлар:

10 февраль (жума)

00:30       Майнц-Аугсбург

11 февраль (шанба)

19:30       Байер-Айнтрахт

19:30       Вердер-Боруссия М.

19:30       Дармштадт-Боруссия Д.

19:30       Ингольштадт-Бавария

19:30       РБ Лейпциг-Гамбург

22:30       Шальке-Герта

12 февраль (якшанба)

19:30       Вольфсбург-Хоффенхайм

21:30       Фрайбург-Кёльн

Ўйиндан кейинги фикрлар:

Томас Тухель («Боруссия» Д. бош мураббийи): - Ҳимоя ва ҳужумда, умуман, ҳиссиётлар масаласида юқори савияли ўйин кўрсатишимиз лозимлигини билардик. Мана, рақибга бор-йўғи 2та зарба йўллаш имконини бердик - бу ажойиб. Ўзимиз эса 2та, 3та, ҳаттоки, 4та гол уришимиз мумкин эди, шуни ҳисобга олсак, ҳаққоний ғалабага эришдик. Бу катта қадам, зеро, охирги 3та ўйинда 7 очко олдик. Энди шу йўсинда давом этишимиз шарт.

Мануэль Нойер («Бавария» дарвозабони): - Ҳар доим натижа биринчи ўринда туради, бироқ унинг қандай қўлга киритилиши ҳам муҳим. Биринчи бўлим ўзимиз ўйлагандек кечмади. Иккинчисида бор кучимизни ишга солдик, бироқ бизга омад етишмади.

InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

Манба: www.interfutbol.uz