Яқинда Италиянинг «Милан» клубидан келиб «Спартак» Москва таркибини тўлдирган ҳужумчи Луис Адриано «Зенит» бош мураббийи Мирча Луческу билан муносабатлари ҳақида айтиб ўтди.

Футболчининг сўзларига кўра, Мирча Луческу унинг ҳаётида катта аҳамиятга эга инсон бўлган.

«Луческу фаолиятимни шакллантиришда менга жуда ҳам катта ёрдам берган. «Шахтёр»га келганимда жуда ёш эдим ва бу даражага чиқишимда унинг мехнатлари катта. Мирча менинг жамоадаги отам бўлган, унга миннатдорчилик билдираман. Жамоадаги баъзи бир нарсаларни тушунмасдим. У шундай пайтда менга ёрдамга келиб, мени тинчлантиришга ҳаракат қиларди.

Ҳужумчи қандай ҳаракат қилиши, тўп билан қай даражада муносабатда бўлиш кераклигини барчасини Луческудан ўрганганман.

«Спартак» - «Зенит» учрашувидан аввал бу сўзларни гапирмоқчи эмасдим лекин унга қарши майдонга тушишдан ҳаяжонланяпман», — дейди Адриано «Чемпионат» сайтига.

Эслатиб ўтамиз, руминиялик мураббий ва бразилиялик ҳужумчи «Шахтёр»Донецк клубида кўп йиллар бирга ишлашган.

Манба: www.interfutbol.uz

InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.