Уругвай термаси собиқ ҳужумчиси Диего Форлан «Арсенал» ва жамоа бош мураббийи Арсен Венгер ҳақида фикр билдирди.
«Тўпчилар» мухлисларининг ҳолатини тўғри тушунаман. Улар 2004 йилдан буён чемпион бўла олмаяптилар. «Арсенал» катта клуб, бу жамоа ҳар ҳафта Лондондаги ажойиб стадионда, 60 минг мухлис қаршисида ўйнайди. Қолаверса, клуб улкан тарихга эга. Англияда ўйнаган вақтларим «Арсенал» чемпионатнинг энг яхши жамоаси эди. Ҳатто «Манчестер Юнайтед»нинг баъзи футболчилари «канонирлар»нинг кучлироқ эканликларини тан олишарди. «МЮ» «Арсенал»га қарши кечадиган баҳсларда эҳтиёткорлик билан, ҳимоядан ўйнашга мажбур эди. Бундай клублар эса кўп эмас. Аммо орадан кўп вақт ўтди, Венгер эса ҳамон бош мураббий бўлиб турибди. У буюк мутахассис сифатида тарихга кирди. Унинг «Арсенал»да узоқ вақт ишлаганидан ҳайратдаман. Ҳозирда жамоанинг ишлари у қадар яхши эмаслиги айни ҳақиқат. Токи Венгер кетмас экан, «Арсенал» йирик совринга даъво қила олмайди. Клубда, энг аввало, менталитет ўзгариши лозим ва барчасини мураббийдан бошлаш керак»,-деди Форлан.
Манба: www.interfutbol.uz
InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20