"Ювентус" ҳужумчиси Гонсало Игуаин Sky Sport Italia нашрига берган интервьюсида фаолияти ҳақида қисқача тўхталиб ўтди.
"Реал"га ўтиш? Бу менинг ҳаётимда муҳим тажриба бўлган. Жуда ёш эдим, "Ривер Плейт"да ўйнай бошлаганимга унча кўп бўлмаганди ва бундай клуб мени ўз сафига чорлашини ўйламаган эдим. Жамоага янги келиб қўшилгунингча, нималар бўлишини тасаввур қила олмайсан. Ота-онам мендан "Энди сен "Реал" ўйинчиси бўлганингни тушуняпсанми?" деб сўрашар, мен буни охиригача англамаган эдим. "Наполи"? Бу мен учун ўзгача сафар бўлиб қолади. Мен бу шаҳар, бу стадионда уч йил умр кечирганман. Мадридни тарк этаётганимда, қайси буюк клубга ўтишим ҳақида ўйландим, мени "Наполи" чорлаган ва мен акамга "Кетдик" дедим. Ҳар доим айтиб келаётганимдай, Неаполда учта мўжизавий йилни ўтказдим. Бу ҳамма футбол билан яшайдиган буюк шаҳар. Мен ҳар доим бу жамоа мухлисларига, жамоадошларимга, мураббийлар ва дўстларимга миннатдорчилик билдираман, чунки Неаполда яшашдан завқ олганман. У ердан бу буюк клубга ўтдим ва бундан афсусланмайман. Энди ўз қароримга тўла ишонч ҳосил қиляпман. Бахтиёрман, ўйинчи сифатида ўсаётганимни ҳис қиляпман. Менга янги турмуш тарзи ёқяпти. Бу ерда муҳит осудароқ ва бу футболчи учун жуда муҳим", - дейди аргентиналик футболчи.
Манба: www.interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20