«Антальяспор»да ўйнаётган Самуэль Это~О «Анжи»нинг гуллаган даврида Махачқалъада тўп сурганди. Шу ўринда айтиш жоиз, 2016 йилнинг охирида Сулейман Керимов «Анжи»ни бошқа хўжайин қўлига топширди. Ўтган ҳафта россиялик журналистлар Анталияда камерунлик футболчини суҳбатга тортиб, унинг «Анжи»даги фаолиятини ёдга олишди.
— «Анжи»нинг кейинги тақдиридан хабардормисиз? Балки бу борада Керимов билан гаплашгандирсиз?
— Йўқ, ҳали суҳбатлашишга улгурмадик. Аммо бўлиб ўтган воқеалардан хабарим бор. Агар хўжайиннинг ўзгариши «Анжи»га ёрдам берса, уни қўллаб-қувватлайман.
— «Aнжи»дан кетгач, Сулейман Керимов билан неча марта гаплашдингиз?
— Қанчалигини билмайману, лекин телефон орқали кўп мулоқот қилардик. Энг аввало, у менинг акам. Сулейманни оилам аъзоси деб ҳисоблайман.
— Собиқ жамоадошларингиз алоқага чиқиб туришадими?
— Африкалик йигитлар билан гоҳида гаплашамиз. Шунингдек, таржимоним Филиппдан доғистонликлар ҳақидаги хабарларни олиб тураман. Габулов ва Жирковни кузатиб бораман. Уларнинг ижтимоий тармоқлардаги саҳифаларига аъзоман.
— Кўпчиликнинг айтишича, «Анжи»да ўйновчи мураббий бўлган экансиз...
— Мен ҳақимда афсоналар кўп. Уларни инкор эта олмайман. Чунки бу футболнинг бир бўлаги. Жамоада ўйинчи, катта ака ва сардор бўлганман, ҳеч қачон ҳеч кимдан маслаҳатимни аямаганман. Жамоани руҳлантириш керак бўлса, буни ҳам бажарганман. Лекин клубнинг мураббийи бор эди ва у ўз ишини яхши бажарган.
— Сиз ўйнаган «Анжи»даги энг яхши россиялик футболчи ким эди?
— Шатов. У ёш бўлишига қарамай, босимга эътибор бермасди.
— Агар трансфер амалга ошса, Смолов Дортмунднинг «Боруссия»сида ўйнаб кета оладими?
— Унда яхши футболчи бўлиш учун имкониятлар етарли. Ҳаммаси Фёдорнинг ўзига боғлиқ.
— Россияда сизни хурсанд қилган ва ажаблантирган нарса нима?
— Ҳар сафар Маҳачқалъага қайтганимизда ўзимизни бахтиёр сезардик. У ерда ўйнаганимизда шаҳардаги ҳаёт тўхтаб қоларди. Бу ажойиб эди. Энг қийини эса - «Лужники»даги синтетик майдонда ўйнаш. Стадионга гап йўқ, лекин сунъий майса туфайли ўйин сифати кўнгилдагидек бўлмасди. Шунингдек, Доғистонда еврокубок ўйинларини ўтказишга рухсат беришмаганидан ажабланганман.
— 2018 йили Россияда бўлиб ўтадиган жаҳон чемпионатига ташриф буюрасизми?
— Россия — менинг иккинчи уйим. Албатта, бораман.
— Мундиалда иштирок этадиган жамоалар сони оширилиши яхшими ёки ёмон?
— Ҳамманинг ўз фикри бор. Бироқ инсонлар футбол сиёсатдан кучли эканини эсдан чиқаришмоқда. Жаҳон чемпионати илк бора ўтказилганда, нечта жамоа иштирок этганини эслай олмайман. Кейин термалар сони 16тага, 32тага оширилди. Бугунги кунда ушбу кўрсаткич яна ошиши ҳақида гапириляпти. Албатта, бу ғояни қўллаб-қувватлайман. Эътибор беринг, миллионлаб болалар футбол ўйнашни исташади. Нотинч мамлакатларда ҳам миллионлар ўйинидан воз кечишмаяпти. Албатта, жамоалар сонининг ошиши даромадни ҳам кўпайтиради. Пул кўпайгач, айрим мамлакатларда футбол инфратузилмасини яхшилаш учун бемалол маблағ ажратса бўлади. Натижада кўплаб болаларда қулай шароитларда тўп суриш имконияти туғилади.
— Камерун футболини ривожлантириш учун ўз ҳиссангизни қўшасизми?
— Футболчи сифатида қиладиганимни қилдим. Лекин ҳали фаолиятимни якунламоқчи эмасман. Ўз юртим учун нима бера олишимни кейинроқ ўйлаб кўраман. Ҳозирча «шерлар»нинг шунчаки мухлисиман.
— Ҳали кўп ўйнайман, дедингиз. Аниқ бирор режангиз борми?
— Яқинда 36 ёшга тўламан. Албатта, 60гача ўйнамайман. Жисмонан ўзимни яхши ҳис қилаётганим учун тўп суришда давом этяпман. Аммо қайсидир куни тўхтатишимга тўғри келади. Буни тушунаман. Балки ушбу ҳолат яна 3-4 йилдан сўнг кузатилар...
— Узоқ фаолиятдан сўнг бунга кўникиш осон бўлмас?
— Профессионал фаолиятимни бошлаган кунимоқ қачондир шундай бўлишини билганман. Албатта, бунга аста-секинлик билан тайёргарлик кўриб боряпман.
— Туркия футболи Россияникидан фарқ қиладими?
— Россияда ҳаво совуқроқ. Футбол эса ҳамма жойда бир хил.
— Туркиялик мухлислар ўта қизиққон бўлишади.
— Фанатлар ҳамма жойда бир-бирларига ўхшашади.
Яқинда 36 ёшга тўламан. Албатта, 60гача ўйнамайман. Жисмонан ўзимни яхши ҳис қилаётганим учун тўп суришда давом этяпман.
А.АҲМЕДОВ тайёрлади
Манба: www.interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20