Миллий олимпия қўмитасида Ўзбекистон волейбол федерациясининг навбатдан ташқари ҳисобот-сайлов Конференцияси бўлиб ўтди. Конференцияда 2013-2016 йиллар давомида олиб борилган ишлар бўйича федерация раҳбариятининг ҳисоботи тингланди, дея хабар берди МОҚ ахборот хизмати хабар берди.
Сўнгги йилларда мамлакатимизда волейбол спорт турини ривожлантириш, оммавийлигини ошириш, захира спортчиларни тайёрлаб бориш, ёш иқтидорли спортчиларни саралаш, туман-шаҳар ва вилоят мусобақаларини ўтказишга эътибор камайганлиги яққол кўзга ташланиб қолди. Энг аввало, федерациянинг аввалги раҳбарияти томонидан Ўзбекистонда волейбол спорт турини ривожлантиришга қаратилган чора-тадбирлар дастури ишлаб чиқилмади, федерациянинг 10 та ҳудудий бўлимида фаолият талаб даражасида йўлга қўйилмади, спорт мусобақалари тизимли равишда, яъни туман, вилоят босқичлари деярли ўтказилмади ва энг муҳими оммавийликка эътибор қаратилмаганлиги сабабли селекция ва саралаш ишлари яхши ташкил этилмади.
Шу боисдан конференцияда ташкилий масала кўриб чиқилди ва Ўзбекистон волейбол федерацияси раиси лавозимига “Ўзтрансгаз” акциядорлик компанияси бошқаруви раиси Эргаш Шоисматов, унинг биринчи ўринборсари лавозимига “Дори-дармон” акциядорлик компанияси бошқаруви раиси Абдуғани Комилов бир овоздан сайланишди.
Шунингдек, Ўзбекистон волейбол федерацияси раиси ўринбосари этиб Шерзод Хушвақтов, федерация Бош котиби этиб эса Санжар Абдуллаев сайланишди.
Конференция ишида Ўзбекистон Республикаси жисмоний тарбия ва спорт давлат қўмитаси раиси Рустам Қурбонов ва Миллий олимпия қўмитаси раиси Алишер Султанов иштирок этди.
Шунинг билан Ўзбекистон волейбол федерациясининг навбатдан ташқари ҳисобот-сайлов Конференцияси ўз ишини якунлади.
Манба: www.olympic.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20