«Байер» клуби рамий сайти хабарига кўра, жамоа бош мураббийи - Рожер Шмидт ишдан бўшатилди. Бунга «Боруссия» майдонида қайд этилган ҳисоб сабабдир. Зеро, «доришунослар» сафардан 2:6 кўринишидаги хунук  мағлубият билан қайтишди ва турнир жадвалида 9-ўринга тушишди. Шмидт «Байер» бошқарувини 2014 йил ёзда қўлга олганди.

«Шальке» ярим ҳимоячиси Евгений Коноплянка Менхенгладбах «Боруссия»сига қарши кечган ўйин (2:4)да ниҳоят, майдонга тушди. Украиналик футболчи бунгача кетма-кет 4та учрашув «заявка»сига ҳам киритилмаганди. Умуман, 85-дақиқада захирадан ўйинга қўшилган Коноплянка жорий мавсум бундеслига доирасидаги 14та учрашувда иштирок этиб, атиги 1та гол урди.

«Бавария»га келсак, пешқадам сафарда «Кёльн»ни 3та жавобсиз гол билан «сийлади».

3 март

АУГСБУРГ-РБ ЛЕЙПЦИГ-2:2 (1:1)

Аугсбург. 28314 томошабин.

Голлар: Стафилидис (19), Хинтереггер (60) - Вернер (25), Комппер (52).

РБ Лейпциг: Гулачи, Шмитц, Орбан, Комппер, Хальстенберг, Кейта, Ильзанкер, Демме (Берк, 83), Забитцер, Вернер, Форсберг.

4 март

БОРУССИЯ Д.-БАЙЕР-6:2 (2:0)

Дортмунд. 79100 томошабин.

Голлар: Дембеле (6), Обамеянг (27, 69), Пулишич (77), Шюррле (85-пен.), Геррейру (90+2) - Фолланд (48), Венделл (74).

Боруссия Д.: Бюрки, Пишчек, Папастатопулос, Бартра, Дурм, Вайгль, Кастро, Геррейру, Дембеле (Кагава, 73), Ройс (Пулишич, 44), Обамеянг (Шюррле, 81).

Байер: Лено, Хенрихс, Едвай, Топрак (Драгович, 86), Венделл, Меҳмеди (Эрнандес, 66), Арангис (Белараби, 38), Бендер, Кампль, Хавертц, Фолланд.

ВЕРДЕР-ДАРМШТАДТ-2:0 (0:0)

Бремен. 41000 томошабин.

Голлар: Крузе (75-пен., 90+2).

МАЙНЦ-ВОЛЬФСБУРГ-1:1 (1:1)

Майнц. 27238 томошабин.

Голлар: Кордоба (24) - Гомес (20).

КЁЛЬН-БАВАРИЯ-0:3 (0:1)

Кёльн. 50000 томошабин.

Голлар: Мартинес (25), Бернат (48), Рибери (90).

Бавария: Нойер, Лам, Мартинес, Алаба, Бернат, Алькантара, Видаль (Киммих, 73), Коман (Рафинья, 82), Мюллер, Дуглас Коста (Рибери, 52), Левандовски.

ХОФФЕНХАЙМ-ИНГОЛЬШТАДТ-5:2 (1:1)

Хоффенхайм. 23028 томошабин.

Голлар: Руди (17), Салои (62, 71), Крамарич (77), Хюбнер (88) - Коэн (38), Зюле (60-авт.).

БОРУССИЯ М.-ШАЛЬКЕ-4:2 (1:1)

Менхенгладбах. 54014 томошабин.

Голлар: Жонсон (28, 64), Вендт (67), Раффаэль (76) - Бенталеб (38-пен.), Горецка (82).

Боруссия М.: Зоммер, Янчке, Кристенсен (Колозейчак, 82), Вестергор, Вендт, Херрманн (Хофманн, 65), Крамер (Штробль, 46), Доуд, Жонсон, Штиндль, Раффаэль.

5 март

Айнтрахт-Фрайбург-1:2 (1:1)

Франкфурт. 51500 томошабин.

Голлар: Хргота (12) - Нидерлехнер (25, 59).

Гамбург-Герта-1:0 (0:0)

Гамбург. 48000 томошабин.

Гол: Экдаль (77).

Герта: Ярстейн, Лангкамп, Штарк (Дуда, 52), Платтенхардт, Брукс, Шелбред, Харагути (Эссвайн, 84), Дарида, Пекарик, Калу, Ибишевич.

Тўпурарлар:

Обамеянг (Боруссия Д.) - 21та

Левандовски (Бавария) - 19та

Модест (Кёльн) - 17та...

Келгуси ўйинлар:

10 март (жума)

00:30       Байер-Вердер

11 март (шанба)

19:30       Бавария-Айнтрахт

19:30       Герта-Боруссия Д.

19:30       Дармштадт-Майнц

19:30       РБ Лейпциг-Вольфсбург

19:30       Фрайбург-Хоффенхайм

22:30       Ингольштадт-Кёльн

12 март (якшанба)

19:30       Шальке-Аугсбург

21:30       Гамбург-Боруссия М.

Ўйиндан кейинги фикрлар:

Карло Анчелотти («Бавария» бош мураббийи): - Яхши ўйин. Муҳим ғалабага эришганимиздан мамнунмиз. Ҳа, бошида ҳаракатларимиз ўхшамади, баъзи муаммолар кузатилди. Чунки мезбонлар жуда яхши ҳимояланишди. Мартинеснинг голидан кейин эса ҳаммаси ўзгарди, рақиб дарвозаси олдидаги таҳликали вазиятлар кескин кўпайди. Хусусан, иккинчи бўлимда мутлақо баварияча ўйин кўрсатиб, ғалаба қозондик.

Томас Тухель («Боруссия» Д. бош мураббийи): - Аслида оғир ўйин ўтказдик, чунончи, «Байер» мудом ғалабани кўзлайди. Рақибнинг 2та голига ортиғи билан  жавоб бердик - чиройли тарзда.

Рожер Шмидт («Байер» бош мураббийи): - Ёқимсиз якун. Ваҳоланки, айрим вазиятларда аввалги ҳафтадагига нисбатан яхшироқ ўйнадик. «Боруссия»нинг ҳужумда ўта кескин ҳаракатланганини ҳам инобатга олиш керак.