«МЮ» ўз майдонида «Борнмут»га қарши кечган баҳснинг тўлиқ бир бўлими давомида кўпчилик бўлиб ўйнаганига қарамай, 3 очко ололмади. Боз устига,  Златан Ибрагимович 11 метрлик жарима зарбасидан фойдаланолмади. 35 ёшли швециялик сўнгги марта 2015 йилнинг 22 сентябрида Франция чемпионати доирасидаги «ПСЖ» - «Генгам» учрашуви (3:0)да пенальтидан самара чиқаролмаганди. У бу орада 6 марта пенальти нуқтасига яқинлашиб, барчасида гол урганди.

Турнинг марказий ўйини - «Ливерпуль» - «Арсенал» тўқнашуви мезбон жамоанинг муҳим ғалабаси билан тугади. Яъни мерсисайдликлар ўз анъаналарига содиқ қолиб, АПЛнинг кучли иштирокчисини мағлубият кўчасига «итаришди» - 3:1. Шу билан «Ливерпул»нинг очколари сони 52тага етди ва жамоа 4-ўринга кўтарилди. «Арсенал» аксинча, 5-қаторга сурилди.

Дарвоқе, «Лестер» бу сафар ўз майдонида «Халл Сити»дан устун келди. Бу «тулкилар»нинг Клаудио Раньери кетганидан сўнг қаторасига қайд этган 2-ғалабаларидир. Ўз ўйинини нисбатан тиклаб олган «Манчестер Сити» ҳам навбатдаги 3 очкони расмийлаштирди. Хосеп Гвардиола шогирдлари «Сандерленд» майдонида икки бўлимда 1тадан гол уришди ва «Тоттенхэм»ни изма-из таъқиб қилишяпти. «Шпорлар»га келсак, улар Гарри Кейн ва Деле Алли жуфтлигининг самарали ҳаракатлари ҳисобига «Эвертон»ни енгишди.

4 март

МЮ-БОРНМУТ-1:1 (1:1)

Манчестер. 75245 томошабин.

Голлар: Рохо (23) - Кинг (40-пен.).

Амалга оширилмаган пенальти: Ибрагимович (72, М.).

МЮ: де Хеа, Валенсия, Жонс, Рохо, Шоу (Рашфорд, 70), Кэррик (Феллайни, 70), Погба, Мата, Руни (Лингард, 70), Мартиаль, Ибрагимович.

Четлатиш: Сурман (45, Б.).

ВЕСТ БРОМВИЧ-КРИСТАЛ ПЭЛАС-0:2 (0:0)

Вест Бромвич. 24051 томошабин.

Голлар: Заха (55), Таунсенд (84).

ЛЕСТЕР-ХАЛЛ СИТИ-3:1 (1:1)

Лестер. 31971 томошабин.

Голлар: Фукс (27), Маҳрез (59), Хаддлстоун (90-авт.) - Гросицки (14).

Лестер: Шмейхель, Симпсон, Морган, Хут, Фукс, Маҳрез (Слимани, 83), Дринкуотер, Н~Диди, Олбрайтон, Оказаки (Грэй, 70), Варди.

СТОК СИТИ-МИДЛСБРО-2:0 (2:0)

Сток-он-Тренте. 27644 томошабин.

Голлар: Арнаутович (29, 42).

СУОНСИ-БЕРНЛИ-3:2 (1:1)

Суонси. 20679 томошабин.

Голлар: Льоренте (12, 90+2), Ольссон (69) - Грей (20-пен., 61).

УОТФОРД-САУТГЕМПТОН-3:4 (1:2)

Уотфорд. 20670 томошабин.

Голлар: Дини (4), Окака Чука (80), Дукуре (90+4) - Тадич (28), Редмонд (45+2, 86), Габбьядини (83).

Уотфорд: Гомес, Қобул, Предль, Бритос, Холебас, Капу (Саксесс, 70), Бехрами, Клеверли, Ньянг, Дини, Окака Чука (Дукуре, 89).

Саутгемптон: Форстер, Соареш, Стивенс, Йошида, Бертран, Дэвис, Ромеу, Уорд-Проуз (Буфаль, 78), Тадич (Класи, 87), Редмонд, Габбьядини (Лонг, 85).

ЛИВЕРПУЛЬ-АРСЕНАЛ-3:1 (2:0)

Ливерпуль. 53146 томошабин.

Голлар:  Фирмино (9), Мане (40), Вейналдум (90+1) - Уэлбек (57).

Ливерпуль: Миньоле, Клайн, Матип, Клаван, Милнер, Вейналдум, Жан, Лаллана (Лейва, 90), Мане (Александер-Арнолд, 90), Фирмино, Коутиньо (Ориги, 80).

Арсенал: Чех, Бельерин, Мустафи, Косьельни, Монреаль, Коклен (Санчес, 46), Жака, Окслейд-Чемберлен, Ивоби, Уэлбек (Уолкотт, 74), Жиру (Перес, 74).

5 март

Тоттенхэм-Эвертон-3:2 (1:0)

Лондон. 31962 томошабин.

Голлар: Кейн (20, 56), Алли (90+3) - Лукаку (81), Валенсия (90+4).

Тоттенхэм: Льорис, Вертонген, Дэвис, Уокер, Алдервейрелд, Дембеле (Уинкс, 78), Дайер, Эриксен (Сиссоко, 87), Ваньяма, Алли, Кейн (Янссен, 90).

Эвертон: Роблес, Уильямс, Бэйнс, Коулмэн, Фунес Мори, Бэрри (Маккарти, 64), Шнайдерлин, Баркли, Гуйе (Валенсия, 81), Дэвис (Миральяс, 64), Лукаку.

Сандерленд-Манчестер Сити-0:2 (0:1)

Сандерленд. 41107 томошабин.

Голлар: Агуэро (42), Сане (59).

Сандерленд: Пикфорд, О~Ши, Овьедо, Жонс, Коне, Янузай (Ҳазри, 82), Н~Донг, Ларссон, Гибсон (Родуэлл, 69), Борини, Дефо.

Манчестер Сити: Кабальеро, Стоунз, Клиши, Санья, Коларов, Сильва, Туре (де Брюйне, 78), Стерлинг (Нолито, 82), Фернандиньо, Сане (Делф, 89), Агуэро.

-----------------------------—————————————————-

ВЕСТ ХЭМ-ЧЕЛСИ    ўйини    бугун    бўлиб    ўтади.

Тўпурарлар:

Кейн (Тоттенхэм) - 19та

Лукаку (Эвертон) - 18та

Санчес (Арсенал) - 17та...

Келгуси ўйинлар:

11 март (шанба)

17:30 Манчестер Сити-Сток Сити

20:00       Борнмут-Вест Хэм

20:00       Халл Сити-Суонси

20:00       Эвертон-Вест Бромвич

12 март (якшанба)

21:00       Ливерпуль-Бернли

-----------------————————————————————

КРИСТАЛ ПЭЛАС-ТОТТЕНХЭМ, МИДЛСБРО-САНДЕРЛЕНД, АРСЕНАЛ-ЛЕСТЕР, САУТГЕМПТОН-МЮ ва ЧЕЛСИ-УОТФОРД  ўйинлари Англия кубоги сабаб, қол-дирилди.

Ўйиндан кейинги фикрлар:

Юрген Клопп («Ливерпуль» бош мураббийи): - Агар рақибнинг кучи ва таркибини назарда тутсак, бу мен учун Англиядаги энг яхши ўйинлардан бири бўлди. Лестердаги мағлубиятдан сўнг йигитлар билан жиддий гаплашиб олгандик ва шунинг натижасида бугун сифатли футбол кўрсатдик. Умуман, нималар устида ишлашни биламиз. «Ливерпуль» жипслашса, фантастик ўйин намойиш этади. Яхши футбол асоси - жипслашиш ва барқарорлик. «Арсенал»дан ўзиб, 4-ўринга кўтарилганимиз муҳим. Аввалги ҳафта ноқулай аҳволга тушиб қолгандик, нима юз берганини тушунишимиз учун бир неча кун кифоя қилди.

Арсен Венгер («Арсенал» бош мураббийи): - Биринчи бўлимда ўйинни тўлиқ бой бердик. Оддий голлар қўйиб юбордик. Иккинчисида эса ўзимизга келиб, битта жавоб голи урдик. Аммо ўз савиямиздан пастроқ ўйин намойиш қилдик, барибир. Илк 45 дақиқаликда Санчеснинг йўқлиги ҳам билинди. Ярим ҳимоя ўйнамади, ҳисоб. Начора, энди бор эътиборни кучли тўртликка қайтишга қаратамиз.

Жозе Моуриньо («МЮ» бош мураббийи): - Қисматни қаранг-ки, пенальти тепишни машқ қилмай қўйган эдик. Ахир  охирги 4 ёки 5 ойда жамоам фойдасига пенальти белгиламаётгандилар. Ибрагимович, Погба... Улар 11 метрлик нуқтадан зарба йўллаш устида ишламайдилар ва керакли вақтда тайёр эмасдилар. Бу ғалати. Биринчи бўлимни идеал даражада ўтказдик. Дастлабки 45 дақиқа давомида ҳисоб 3:0 ёки 4:0га етиши керак эди. Лекин 1:1 билан чекландик. Дурангда кимни айблашим мумкин? Албатта, ёлғиз ўзимни. Ажойиб имкониятларни кўкка совурдик. Бу омадсизликдан эмас. Рақиб дарвозабонининг ҳаракатлари ва «сейв»лари эса шунчаки, мақтовга лойиқ.