Ниҳоят, Хитойда ҳам миллий чемпионат стартга чиқиши баробарида қишки трансферлар бозори ёпилди. Биласиз, Чин юрти клублари бу сафар катта харидлар билан алоҳида ажралиб туришди. Хусусан, «Шанхай СИПГ» миллий жамоамиз сардори Одил Аҳмедов учун «Краснодар»га 8 млн. евро тўлади. Лекин бу трансфер қишда Хитой супер-лигаси иштирокчилари амалга оширган энг қимматбаҳо 11та харид орасига киргани йўқ.

11-ўрин. Карлос Тевес - 10,50 млн. евро («Шанхай Шенхуа»)

10-ўрин. Жэнь Хан - 10,75 млн. евро («Хэбэй Чайна Форчун»)

9-ўрин. Чжао Минцзянь - 10,95 млн. евро («Хэбэй Чайна Форчун»)

8-ўрин. Браун Идейе - 12 млн. евро («Тянжин Теда»)

7-ўрин. Ван Юнпо - 12,44 млн. евро («Тянцзинь Цюаньцзянь»)

6-ўрин. Жао Юхао - 17,80 млн. евро («Хэбэй Чайна Форчун»)

5-ўрин. Алешандре Пато - 18 млн. евро («Тяньцзинь Цюаньцзянь»)

4-ўрин. Аксель Витцель - 20 млн. евро («Тяньцзинь Цюаньцзянь»)

3-ўрин. Чжан Чжендун - 20,44 млн. евро («Хэбэй Чайна Форчун»)

2-ўрин. Одион Игало - 23,30 млн. евро («Чанчун Ятай»)

1-ўрин. Оскар - 60 млн. евро («Шанхай СИПГ»)

Айтганча, «Шанхай СИПГ» 1-турда Анзур Исмоиловнинг клуби - «Чанчун Ятай»ни қабул қилди. Учрашувда шанхайликлар Элкесон қайд этган «хет-трик» ҳамда Халк ва Ву Лэй урган биттадан гол эвазига 5:1 ҳисобида ғалаба қозонишди. Шу куни Аҳмедов майдонда кўриниш бермади. Исмоилов эса чанчунликлар сафида тўлиқ вақт тўп сурди.